სარეკლამო ადგილი - 1
720 x 85

"ქუჩაში არ გეძლევით ინტერვიუებს. ბომბორა, უთხარი შენც..." - ზურაბიშვილი არ პასუხობს კითხვას, შეიწყალებს თუ არა მესამე პრეზიდენტს

პრეზიდენტი სალომე ზურაბიშვილი არ პასუხობს ჟურნალისტების კითხვას - შეიწყალებს თუ არა მიხეილ სააკაშვილს. მას კომენტარი არც რეზიდენციასთან დაგეგმილ აქციაზე გაუკეთებია.

სალომე ზურაბიშვილი ძაღლს ასეირნებდა, როდესაც ჟურნალისტებმა მას კითხვებით მიმართეს. პრეზიდენტმა ხუმრობაც სცადა და ძაღლს უთხრა, ეპასუხა მედიისთვის.

"ქალბატონო, მე ქუჩაში არ გეძლევით ინტერვიუებს. ბომბორა, უთხარი შენც, აბა მიდი...", - თქვა ზურაბიშვილმა.

ცნობისთვის, სამოქალაქო პლატფორმა დღეს, 14:00 საათზე ორბელიანის სასახლესთან მიხეილ სააკაშვილის გათავისუფლებისა და ეროვნული შერიგების მოთხოვნით პირველ აქციას გამართავს. აქციის ორგანიზატორები ამბობენ, რომ ახლა კრიზისის გადაჭრის ბერკეტი პრეზიდენტის ხელშია.

კომენტარი

სარეკლამო ადგილი - 101
100 x 100