ინფექციურ საავადმყოფოში კორონავირუსით ინფიცირებული 9 თვის ბავშვი გადაჰყავთ - მასთან ერთად 5 წლის ბავშვი და ქალიც არიან, რომლებსაც ასევე კორნავირუსი აქვთ
აჭარაში ინფიცირებულთა შორის 9 თვის ბავშვიც არის. მასთან ერთად 5 წლის ბავშვი და ქალიც, რომელსაც ასევე კორნავირუსი აქვს, თბილისში გადაჰყავთ.
ე.წ. ქობულეთის კლასტერიდან კორონავირუსი კიდევ 5 ადამიანს დაუდასტურდა. ამის შესახებ აჭარის ჯანდაცვის მინისტრის მოადგილემ ნინო ნიჟარაძემ განაცხადა.
ხუთივე ინფიცირებული სოფელ ლეღვაში ცხოვრობს. მათ შორის ორი ადამიანი ერთი ოჯახის წევრია. ინფიცირებულთა ჯანმრთელობის მდგომარეობა სტაბილურია.
ქობულეთის კლასტერს უკავშირდება უკვე 25 ინფიცირებული და 355 ახლო კონტაქტი. კონტაქტებიდან გამოკვლეულია 180 პირი. 30 მდე ანალიზია აღებული. პასუხი ხვალ იქნება ცობილი
როგორც ნინო ნიჟარაძემ აღნიშნა, ქობულეთის ე.წ კლასტერთან კონტაქტში მყოფი 350 ადამიანი გამოიკვეთა.
ქობულეთის მუნიციპალიტეტის ოთხ სოფელში მკაცრი საკარანტინო რეჟიმი მოქმედებს. სოფლებთან მისასვლელ გზებზე თავდაცვისა და შინაგან საქმეთა სამინისტროს წარმომადგენლები არიან მობილიზებული.
მსგავსი სიახლეები
კომენტარი