სარეკლამო ადგილი - 1
720 x 85

ლიბერთიმ ბიზნესისთვის ახალი სახელფასო მოდული დანერგა

ლიბერთი, ახალი სტრატეგიის ფარგლებში, აგრძელებს ბიზნესისთვის მარტივი და კომფორტული სერვისების შეთავაზებას.

ამჯერად, ბიზნეს ინტერნეტბანკის მომხმარებლებისთვის ახალი სახელფასო მოდული დაინერგა,რომელიც ითვალისწინებს ხელფასების, საშემოსავლო გადასახადისა და საპენსიო დანაზოგის მარტივად მართვას.

ახალი მოდული, საგრძნობლად ამარტივებს სახელფასო გადარიცხვებს. ეს მოდული საპენსიო დანაზოგისა და საშემოსავლო გადასახედების ავტომატურად დაანგარიშების საშუალებას იძლევა. მისი მეშვეობით ლიბერთის არასახელფასე კლიენტებისთვის ახალი თანამშრომლების დამატება, სიის დაკორექტირება, ნებისმიერ დროს თანამშრომლისთვის სტატუსის შეცვლა არის შესაძლებელი. ასევე ლიბერთის სახელფასო კლიენტებს შეუძლიათ იხილონ კომპანიის აქტიური თანამშრომლების სიაც.

ლიბერთი არსებული და ახალი მომხმარებლებისთვის მომავალშიც გააგრძელებს დისტანციურ არხებში მაქსიმალურად მარტივი და სრულყოფილი დისტანციური საბანკო სერვისების შეთავაზებას, რაც კიდევ უფრო გაამარტივებს ყოველდღიურ ბანკინგს ფიზიკური პირებისთვის და ბიზნესისთვის. ამ მიმართულებით დანერგილი ყველა სიახლე ლიბერთის მომხმარებლებს, ნებისმიერ დროს, საბანკო პროდუქტებზე ხელმისაწვდომობას გაუმჯობესებს.

ლიბერთი ბანკი ქვეყნის ერთ-ერთი უმსხვილესი კომერციული ბანკია, რომელიც 1,7 მილიონზე მეტ ფიზიკურ პირს და 50 000-ზე მეტ მცირე და საშუალო ბიზნესს ემსახურება.

ბანკის აქტივები 3 მლრდ ლარს შეადგენს და დასაქმებულია 4500-ზე მეტი თანამშრომელი. ლიბერთი ქვეყნის მასშტაბით წარმოდგენილია ყველაზე ფართო ქსელით - 360-ზე მეტი მომსახურების ცენტრით, 632 ბანკომატით, თვითმომსახურების და POS ტერმინალებით საქართველოს ყველა რეგიონსა და მუნიციპალიტეტში. განვითარებული ინფრასტრუქტურის გარდა, როგორც ფიზიკური, ასევე იურიდიული პირებისთვის ხელმისაწვდომია თანამედროვე ციფრული სერვისები და დისტანციური მომსახურება.

კომენტარი

სარეკლამო ადგილი - 101
100 x 100