თბილისში მოსკოვიდან საქართველოს პატრიარქის ქანდაკება ჩამოიტანეს

საქართველოს კათალიკოს-პატრიარქის, ილია II-ის ქანდაკება უკვე თბილისშია. ის მოსკოვიდან ჩამოიტანეს. ძეგლის ავტორი ზერაბ წერეთელია.

რუსეთში მოღვაწე ქართველმა მოქანდაკემ ილია II-ის ბრინჯაოს ქანდაკება 2003 წელს შექმნა და აქამდე მოსკოვში, ზურაბ წერეთელის ხელოვნების მუზეუმში იყო განთავსებული.

ამავე წელს წერეთელმა რუსეთის მაშინდელი, აწ უკვე გარდაცვლილი პატრიარქის ალექსი II-ის ძეგლიც დადგა. ორივე ქანდაკება 2.8 მეტრის სიმაღლისაა. ორივე ბრინჯაოსი. ალექსი II-ის ქანდაკება მოსკოვის თანამედროვე ხელოვნების მუზეუმშია განთავსებული.

უცნობია, სად იგეგმება ილია II-ის ძეგლის დადგმა თბილისში. ამჟამად ძეგლი შეფუთულ მდგომარეობაშია.

კომენტარი