პირველად თეგეტა მოტორსი საერთაშორისო ავტოინდუსტრიულ გამოფენაზე
ეს იყო უპრეცედენტო შემთხვევა, თეგეტა მოტორსი იყო პირველი კომპანია საქართველოს ისტორიაში, რომელიც ამ დონის გამოფენაზე წარსდგა. ეს გამოფენა არის საერთაშორისო გამოფენებში ყველაზე პოპულარული რადგან მოიცავს საავტომობილო სფეროს ყველა მიმართულებას: საბურავები, ავტო ნაწილები, ზეთები, დანადგარები, მომსახურება და სხვა მრავალი. „ჩვენთვის განსაკუთრებით მნიშვნელოვანი იყო თეგეტა მოტორსის უნიკალური კონცეფციის გატანა საერთაშორისო ბაზარზე, გამოფენას 30 000 მეტი ვიზიტორი ესწრებოდა. ჩვენ გავაცანით დამსწრეებს თეგეტა მოტორსის „ნოუ-ჰაუ" რაც გულისხმობს სერვისის უმაღლეს სტანდარტებს, რომლებსაც ანალოგი არ აქვს. თეგეტა მოტორსის უნიკალური სერვისი მთლიანად მომხმარებლის კომფორტზეა ორიენტირებული რაც მოიცავს: მულტიბრენდულ ავტო-ტექ მომსახურებას, სრულ სერვისი მსუბუქი, კომერციული, სატვირთო და სპეც ტექნიკისთვის, ონლაინ პლატფორმა - „mycarhistory“, რომლის მეშვეობითაც მომხმარებელს შეუძლია მუდმივად აკონტროლოს კუთვნილი ავტომობილის, როგორც ტექნიკური მდგომარეობა ისე დანახარჯები; წინასწარი ონლაინ რეზერვაციის სერვისი, თეგეტა ქარდი, თეგეტა კომფორტი - რაც საშუალებას აძლევს მომხმარებელს მუდმივად მწყობრში ჰყავდეს ავტომობილი სერვის ცენტრში მიუსვლელად, თეგეტა კომფორტით სარგებლობისას მას სასურველ ადგილას მიაკითხავს თეგეტა მოტორსის წარმომადგენელი წაიყვანს ავტომობილს და გამართულს უკან ისევ სასურველ ადგილას მიუყვანს; ასევე მომხმარებელს შეუძლია ისარგებლოს 24 საათიანი ქოლ-ცენტრის მომსახურებით და მიიღოს მისთვის სასურველი ინფორმაცია; ავტოინდუსტრიის განვითარებისთვის მეტად მნიშვნელოვანია თეგეტა მოტორსის ავტოსერვისის პროექტების დაგეგმარება და შესრულების მიმართულება; თეგეტა მოტორსის აკადემია; ონლაინ კატალოგები და ბოშის დიზელის სერვის ცენტრი, რომელსაც ანალოგი არ აქვს ამიერ კავკასიაში. ვიზიტორებს ჰქონდათ შესაძლებლობა დეტალურად ენახათ ის პროდუქტი და სერვისი რაც თეგეტა მოტორსს ქმნის ბაზრის ლიდერ კომპანიად, თეგეტა მოტორსის 20 წლიანი პრაქტიკიდან გამომდინარე მზად არის საერთაშორისო ბაზარს შესთავაზოს ავტოსერვისის უნიკალური კონცეფცია.“ აცხადებენ კომპანიაში. „თეგეტა მოტორსი“ უკვე 20 წელია მოღვაწეობს ქართულ ბაზარზე და ავტო ინდუსტრიაში მუდმივად ინარჩუნებს ლიდერის პოზიციას. საქართველოში „თეგეტა მოტორსი“ არის უმსხვილესი იმპორტიორი 300-ზე მეტი მსოფლიოში წამყვანი ბრენდის: Bridgestone, Michelin, Riken, Falken, Varta, Exide, Shell, Motul, Fuchs-titan, Meguin, Hengst, ZF Parts, Lemforder, Sachs, Philips, Bosch, Febi, Federal Mogul და სხვა ბრენდების, მიერ წარმოებული უმაღლესი ხარისხის პროდუქციის; საბურავების, ზეთების, აკუმულატორების და ავტომობილების სათადარიგო ნაწილების მიმართულებით. | |
მსგავსი სიახლეები
კომენტარი