უინსტონ ჩერჩილის გამონათქვამები

გახსოვდეთ, რომ მე უფრო მეტი მივიღე ალკოჰოლისგან, ვიდრე მან ჩემგან. …

თუ მიზნის მიღწევა გსურთ, ნუ ეცდებით იყოთ დელიკატური და გონიერი.

თუ ჰიტლერი ჯოჯოხეთში შეიჭრება, მე ხოტბას შევასხამ ეშმაკს.

ფანატიკოსია კაცი, რომელსაც არ ძალუძს შეიცვალოს შეხედულებანი და გამოცვალოს საუბრის თემა.

ლამაზი ქალის გაკენწვლა არც ისე იოლია. ის ხომ თქვენი ნათქვამის გამო უარესი არ გახდება.

ჭეშმარიტება მრავალწახნაგოვანია, სამაგიეროდ – სიცრუე მრავალხმიანია.
ჩემს მიღწევათა შორის უდიდესია ის, რომ ჩემი მეუღლე დავარწმუნე ცოლად გამომყოლოდა.

ნენსი ასტორმა უთხრაჩერჩილს: თქვენ რომ ჩემი ქმარი ყოფილიყავით, ყავაში საწამლავს ჩაგიყრიდითო. ჩერჩილმა უპასუხა: თქვენი ქმარი რომ ვყოფილიყავი, იმ ყავას უყოყმანოდ დავლევდიო.

უსარგებლოა ნათქვამი: “ვაკეთებთ, რაც შესაძლებელია”. უნდა ვაკეთოთ ის, რაც აუცილებელია.

ჩემს ნაღვაწს ისტორია დაემოწმება, მით უმეტეს, თუ ამ ისტორიას თავად დავწერ.

პოლიტიკური ტალანტი ვლინდება უნარში გამოიცნო, თუ რა მოხდება ხვალ, ერთ კვირაში, თვეში, წელიწადში… და ასევე უნარში, რომ ახსნა, თუ რატომ არ გამართლდა ეს ყველაფერი.

მეგონა სიბერით მოვკვდებოდი, მაგრამ როცა მთელი ევროპის პურის ბეღელმა რუსეთმა მარცვლეულის შესყიდვა დაიწყო, მივხვდი, რომ სიცილით სიკვდილი მიწერია.

რაღა თქმა უნდა ეგოისტი ვარ. თუ ასეთი არ ხარ, ვერც ვერაფერს მიაღწევ.

თქვენ მოგეცათ არჩევანი ომსა და სირცხვილს შორის. თქვენ სირცხვილი არჩიეთ და მიიღებთ ომს.

კანადელი ჟურნალისტის კითხვაზე, ხომ არ აქვს რაიმე შენიშვნა ამერიკის მიმართ, ჩერჩილმა უპასუხა – ძალიან თხელი ტუალეტის ქაღალდი აქვთ და ძალიან სქელი გაზეთებიო.

პოლიტიკისთვის უდიდესი გარდატეხა იქნებოდა, სიბრძნე რომ ისევე იოლად და სწრაფად ვრცელდებოდეს, როგორც სიბრიყვე.

მე არ ვწყრები კრიტიკის გამო მაშინაც კი, როცა იგი სიმწვავის გამო ამოვარდნილია თავისი დროის რეალობიდან.

ვერაფერი შეგმატებს ისეთ აღმაფრენას, როგორსაც – როცა გესვრიან და აგაცდენენ.

მე კი მზად ვარ შემოქმედთან შესახვედრად. სხვა საქმეა, თვით შემოქმედი თუა მზად ამგვარი განსაცდელისთვის.

არავინ ეთანხმება იმას, ვინც ყველას ეთანხმება.

გონიერი კაცი ყველა შეცდომას თავად კი არ უშვებს, არამედ სხვასაც აძლევს ამის შანსს.

დიდი უპირატესობა აქვს იმას, ვინც ადრევე დაუშვა ის შეცდომები, რომელზეც რაიმეს სწავლა შეიძლება.

რის ვაივაგლახით ვახერხებ ჩემში ჭკუისმასწავლებლის იმპულსის ჩახშობას.

მე სულ იოლად ვკმაყოფილდები ყველაფრით, რაც საუკეთესოა.

მუდამ მზად ვარ ვისწავლო, მაგრამ ყოველთვის როდი მსიამოვნებს, როცა მასწავლიან.

ჩემი დღეგრძელობის საიდუმლოა 5-6 სიგარა დღეში, 3-4 ჭიქა ვისკი და არავითარი ფიზკულტურა.

ახალგაზრდობისას ვიცავდი წესს – არასდროს დამელია სადილამდე. ახლა კი მოვხუცდი და ვცდილობ არასდროს გავილეშო საუზმემდე.

დრო ცუდი მოკავშირეა.

მე მუდამ ვიცავ ამ წესს: ნუ გარბიხარ, თუ დგომა შეგიძლია; ნუ დგახარ, თუ ჯდომა შეგიძლია; ნუ ზიხარ, თუ წოლა შეგიძლია.

შორი მომავლის ჭვრეტა არაშორსმჭვრეტლურია.

ახალი ამბების მოყოლას მათი შექმნა მირჩევნია.

საკუთარი სიტყვების ჩაყლაპვა არასდროს მიმძიმებს კუჭს.

საბედნიეროდ ჩვენი სიცოცხლე ჯერჯერობით არც ისე უშფოთველია, თორემ გზას აკვნიდან სამარემდე უფრო სწრაფად გავივლიდით.

ყოველივე დიადი მარტივია და უმეტესი მათგანი სულ ერთი სიტყვით გამოითქმის: თავისუფლება, მართლმსაჯულება, ღირსება, მოვალეობა, გულმოწყალება, იმედი.
კაცმა რო თქვას, მოკლე სიტყვები უკეთესია, ხოლო ძველი სიტყვები – საუკეთესო.

როგორც არ უნდა მოგწონდეთ სტრატეგია, ხანდახან შედეგებსაც გადახედეთ ხოლმე.

დიდების საზღაური პასუხისმგებლობაა.

დიდი მონაპოვარია უნარი – იარო ერთი მარცხიდან მეორემდე ენთუზიაზმის გაუნელებლად.

ჩვენ ვარსებობთ იმით, რასაც ვიღებთ და ვცხოვრობთ იმით, რასაც გავცემთ.

როცა არწივები სდუმან, თუთიყუშები იწყებენ ჟღავილს.

სიმამაცეა უნარი – ადგე და თქვა. ასევე სიმამაცეა – დაჯდე და უსმინო.

ცხოვრების უდიდესი გაკვეთილია იცოდე, რომ ხანდახან გიჟიც კი მართალია.

პესიმისტი ყოველ შესაძლებლობაში სიძნელეს ხედავს და ოპტიმისტი – შესაძლებლობას ყოველ სიძნელეში.

სტატისტიკა ჰგავს მთვრალს განათების ბოძთან, რომელსაც მისაყუდებლად იყენებს და არა გასანათებლად.

კომენტარი