ჩვენ არ გვსურს პარლამენტში უკრაინის ტრაგედიის თეატრალიზება - შალვა პაპუაშვილი
ჩვენ რასაც ვხედავთ ბოლო დღეების განმავლობაში, ეს არის დეზინფორმაციის, ტყუილის და პროპაგანდის ტალღა საქართველოს სახელმწიფო ინსტიტუტების წინააღმდეგ, - ამის შესახებ საქართველოს პარლამენტის თავმჯდომარემ ბიუროს სხდომაზე განაცხადა.
„ჩვენ არ გვსურს პარლამენტში უკრაინის ტრაგედიის თეატრალიზება. სამწუხაროდ, თქვენ დაკავებული ხართ სწორედ უკრაინის საკითხის თეატრალიზებით. როდესაც ომი დაიწყო, ჩემს უკრაინელ კოლეგას შევთავაზე სატელეფონო ზარი, თუმცა, განვითარებული მოვლენების გამო, ეს ზარი ვერ შედგა.
რაც შეეხება განცხადებებს, გვესმის უკრაინაში არსებული მდგომარეობა და მათ შორის, ემოციური განცხადებები უკრაინის ხელისუფლების მხრიდან. ამაზე უფრო მწვავე განცხადებები ისმის მათი მხრიდან დასავლელი პარტნიორების მიმართ.
ჩვენ, ალბათ, ვართ უნიკალური შემთხვევა, როდესაც ერთი მხრივ, ყველა თანხმდება იმაზე, რომ უკრაინის საკითხი, უსაფრთხოების კუთხით, პირდაპირ გადაბმულია საქართველოს უსაფრთხოებასთან და მეორე მხრივ, ხდება ამის საპირისპირო მოქმედება და ამის გამოყენება, რათა ქვეყანაში დესტაბილიზაცია მოხდეს. ჩვენ რასაც ვხედავთ ბოლო დღეების განმავლობაში, ეს არის დეზინფორმაციისა და პროპაგანდის ტალღა, საქართველოს სახელმწიფო ინსტიტუტების წინააღმდეგ“, - განაცხადა პაპუაშვილმა.
მსგავსი სიახლეები
კომენტარი