ვინ არის კორონავირუსით გარდაცვლილი მესამე პაციენტი? - თენგიზ ცერცვაძის განცხადება

კორონავირუსით გარდაცვლილი მესამე პაციენტი 86 წლის ქალია, რომელიც თბილისის ინფექციურ საავადმყოფოში მკურნალობდა, - ამის შესახებ ბრიფინგზე ინფექციური საავადმყოფოს დირექტორმა, თენგიზ ცერცვაძემ განაცხადა.

„დღეს სამწუხაროდ, ჩვენს ცენტრში კორონავირუსით გარდაცვალების პირველი შემთხვევა დაფიქსირდა, რაც ქვეყნის მასშტაბით უკვე მესამე ლეტალური შემთხვევაა. ეს გარდაუვალი იყო. მე ყოველთვის ვამბობდი, რომ მუდმივად 0-ს იმ გრაფაში ვერ შევინარჩუნებდით. ეს იყო 86 წლის ქალი, რომელიც 2 კვირაზე მეტი ხნის განმავლობაში იყო ჩვენთან. პრაქტიკულად, ეს იყო ყველაზე მძიმე პაციენტი, რაც კი ეპიდემიის დაწყებიდან შემოსულა კლინიკაში. გარდა იმისა, რომ პაციენტი იყო 86 წლის, მას ჰქონდა მძიმე თანმხლები ნევროლოგიური დაავადება, მძიმე ორმხრივი პნევმონია და პრაქტიკულად არ იყო დარჩენილი ჯანმრთელი ფილტვის ქსოვილი, ჰქონდა სეფსისი და სხვა გართულებები. 2 კვირის განმავლობაში ის იყო რეანიმაციაში და ექიმებმა ყველაფერი გააკეთეს, მაგრამ მისი გადარჩენა ვერ მოხერხდა“, - განაცხადა ცერცვაძემ.

კომენტარი