სარეკლამო ადგილი - 1
720 x 85

9-საათიან კურიერს ნათია ლაზაშვილი წაიყვანს

რუსთავი 2-ში საკადრო ცვლილებების შემდეგ ეთერში კურიერი დღეს, 25 სექტემბერს ბრუნდება. არხის აღმასრულებელი დირექტორის, ირაკლი იმნაიშვილის თქმით, 9-საათიან კურიერს ნათია ლაზაშვილი წაიყვანს.

"ჩემთვის ეს არის არამარტო სიმბოლური, არამედ ძალიან სწორი. ჩვენ დავბრუნდით იმ ათვლის წერტილზე, რითიც რუსთავი 2 დღემდე ამაყობს", — თქვა იმნაიშვილმა გადაცემა სხვა შუადღეში.

ნათია ლა­ზაშ­ვი­ლი რუსთავი 2-ში არხის და­ფუძ­ნე­ბი­დან მუშაობდა. ის 1995 წლიდან 2006 წლამდე მთავარი საინფორმაციო გამოშვების წამყვანი იყო, 2006-ში კი ტელევიზია რუსთავი 2-ის სხვა სახეებთან ერთად დატოვა.

2006 წლის შემდეგ ლაზაშვილი ტელეეკრანზე 2012 წელს, მეცხრე არხის ეთერში დაბრუნდა, თუმცა, ტელეკომპანია მალევე დატოვა. ამის შემდეგ ის სამთავრობო პიარში მუშაობდა.

კომენტარი

სარეკლამო ადგილი - 101
100 x 100