მედია-ჰოლდინგი "დრონი.ჯი"   MEDIA HOLDING "DRONI.GE"
რეკლამა Droni.ge-ზე, სპეციალური ფასები: 599 877 901
სარეკლამო ბანერების ფასები
ყველაზე კითხვადი სტატია
 კალენდარი
ორშ სამშ ოთხ ხუთ პარ შაბ კვ
303112345
6789101112
13141516171819
20212223242526
272812345
ბლოგები
სან­დ­როს უყ­ვარს დე­და, ამი­ტომ მი­სი ცო­ლი უნ­და იყოს ქა­ლიშ­ვი­ლი!
ახლა კითხულობენ

კონკურსმა „ქართული - ა“ გამარჯვებულები გამოავლინა  

თავდაცვის სამინისტრო ჯარში სავალდებულო გაწვევას აუქმებს  

ყარაბაღში აზერბაიჯანის კუთვნილი უპილოტო თვითმფრინავი ჩამოაგდეს  

რუსმა ბლოგერმა მიტოვებული რუსული ავიაბაზა აღმოაჩინა  

21-ე საუკუნის ომები და მსხვერპლის რაოდენობა  
სარეკლამო ადგილი - 7
200 x 120

მიხეილ სააკაშვილის კომენტარი სანდრა რულოვსის გულახდილ ინტერვიუსთან დაკავშირებით 

საბედისწერო რიცხვი "13" დიდი კომპოზიტორის ვაგნერის ცხოვრებაში 

მსოფლიოს 5 ყველაზე მდიდარი და ბიზნესში წარმატებული ქალი 

„თეგეტა მოტორსმა“ ბაქოში ფილიალი გახსნა! 

ზამთრის დიდი ფასდაკლება კიაში 

2017 წლის კია ნირო გინესის რეკორდსმენია, როგორც ყველაზე ნაკლები საწვავის მოხმარების მქონე ჰიბრიდული მანქანა 
სარეკლამო ადგილი - 8
200 x 336
სარეკლამო ადგილი - 12
200 x 120
ნობელის წინასწარმეტყველება - სადამდე მიიყვანა მსოფლიო ბირთვული იარაღის გამოყენებამ?
ფოტოს სრულად სანახავად დააკლიკეთ ფოტოზე
ონლაინ ბიბლიოთეკა
14:37 17.02.2016

ალფრედ ნობელს სჯეროდა, რომ მშვიდობის შენარჩუნება იმ შემთხვევაში იქნებოდა შესაძლებელი, თუკი ერებს მომაკვდინებელი იარაღი ექნებოდათ. ისინი შეძლებდნენ სწრაფად გაერთიანებას და ნებისმიერ აგრესორს ნაცარტუტად აქცევდნენ. „ეს იქნებოდა ძალა, რომელიც ომს შეუძლებელს გახდიდა“, — წერდა ის. ნობელის აზრით, საღად მოაზროვნე არც ერთი ერი არ მოახდენდა კონფლიქტის პროვოცირებას, თუკი ამას მისთვის გამანადგურებელი შედეგები მოჰყვებოდა. მაგრამ, რა გამოაშკარავა გასულმა საუკუნემ?

ნობელის სიკვდილიდან 20 წელიც კი არ იყო გასული, რაც პირველმა მსოფლიო ომმა იფეთქა. ამ კონფლიქტის დროს მიმართეს ახალ მომაკვდინებელ იარაღს, ავტომატების, მომწამლავი გაზის, ცეცხლსასროლი იარაღის, ტანკების, თვითმფრინავებისა და წყალქვეშა ნავების ჩათვლით. ათ მილიონამდე ჯარისკაცი დაიღუპა, ხოლო დაჭრილთა რაოდენობა ამ რიცხვს ორჯერ და კიდევ მეტად აღემატებოდა. პირველი მსოფლიო ომის დროს გამოვლენილმა სისასტიკემ ხალხს კიდევ უფრო მტკივნეულად აგრძნობინა მშვიდობის აუცილებლობა, რა მიზეზითაც ერთა ლიგის ჩამოყალიბება მოხდა. აშშ-ს პრეზიდენტმა ვუდრო უილსონმა, რომელსაც ამ ფორმაციის შექმნაში დიდი წვლილი მიუძღვის, 1919 წელს მიიღო ნობელის პრემია მშვიდობისთვის.

თუმცა, ყოველგვარი იმედი იმისა, რომ ომი ერთხელ და სამუდამოდ წარსულს ჩაჰბარდებოდა, დაიმსხვრა, როდესაც 1939 წელს მეორე მსოფლიო ომმა იფეთქა. ეს ომი პირველ მსოფლიო ომზე კიდევ უფრო მრავალმხრივ შემაძრწუნებელი იყო. ამ კონფლიქტის დროს ადოლფ ჰიტლერმა ქალაქ კრიუმელში მდებარე ნობელის ქარხანა გააფართოვა და გერმანიის ერთ-ერთ უდიდეს სამხედრო ქარხნად აქცია, სადაც 9 000-ზე მეტი მუშა საბრძოლო იარაღის შექმნით იყო დაკავებული. ომის დამთავრების პირას მოკავშირეთა სამხედრო-საჰაერო ძალების მიერ ჩატარებული რეიდის დროს, ნობელის ქარხანას ნობელისავე გამოგონებათა წყალობით შექმნილი ათასობით ბომბი დაუშინეს და მიწასთან გაასწორეს.

ნობელის სიკვდილის შემდგომ საუკუნეში არა მხოლოდ ორი მსოფლიო ომი მოხდა, არამედ ურიცხვი სხვა, შედარებით მცირე, კონფლიქტიც. ამ პერიოდში უამრავი იარაღი შეიქმნა, რომელთაგანაც ზოგი კიდევ უფრო მომაკვდინებელი იყო. ამ საომარი საშუალებებიდან განვიხილავთ რამდენიმეს, რომლებიც ნობელის სიკვდილის შემდგომ ათწლეულებში დიდი პოპულარობით სარგებლობდა.

ნაღმები. XX საუკუნის მიწურულისთვის ნაღმის აფეთქების შედეგადყოველდღიურად საშუალოდ დაახლოებით 70 ადამიანი იღუპებოდა ან სახიჩრდებოდა! მათი უმრავლესობა იყვნენ არა სამხედრო პირები, არამედ მშვიდობიანი მოქალაქეები. ხშირად ნაღმებს იყენებენ არა მოსაკლავად, არამედ იმისათვის, რომ დაასახიჩრონ და შიშის ზარი დასცენ მათ, ვინც ნაღმის საშინელ ძალას საკუთარ თავზე სცდის.

მართალია, ბოლო წლებში მიწის განნაღმვას დიდი ძალ-ღონე მოახმარეს, მაგრამ ზოგი ამბობს, რომ მიწიდან ამოღებული ერთი ნაღმის სანაცვლოდ 20-ზე მეტი დანაღმვა ხდება, თანაც მთელ დედამიწაზე შესაძლოა 60 მილიონი ჩამარხული ნაღმი არსებობს. იმ ფაქტმა, რომ ნაღმი ვერ ანსხვავებს ჯარისკაცისა და მინდორში მოთამაშე ბავშვის ფეხის ხმას, არ შეწყვიტა ამ შემზარავი იარაღის წარმოება და გამოყენება.

ბირთვული იარაღი. ბირთვული იარაღის გამოგონებამ შესაძლებელი გახადა ის, რომ ჯარისკაცებს შორის ყოველგვარი შეტაკების გარეშე, სულ რამდენიმე წამში მთელი ქალაქი მიწასთან გასწორდეს. მაგალითისთვის გავიხსენოთ, რა საშინელი შედეგები მოჰყვა 1945 წელს ჰიროსიმასა და ნაგასაკიში ატომური ბომბების ჩამოგდებას — ზოგი აუტანელმა სინათლემ დააბრმავა, სხვებმა დასხივება მიიღეს, ბევრი ცეცხლმა და სიცხემ მოკლა. ვარაუდობენ, რომ დაღუპულთა რიცხვმა ორივე ქალაქში თითქმის 300 000-ს მიაღწია!

ზოგი შეიძლება ირწმუნებოდეს, რომ ამ ქალაქების დაბომბვამ ხელი შეუწყო იმას, რომ არ დაღუპულიყო უფრო მეტი ადამიანი, რაც შესაძლოა მომხდარიყო იმ შემთხვევაში, თუკი ომს ჩვეულებრივი იარაღის გამოყენებით განაგრძობდნენ. ამისდა მიუხედავად, ზოგიერთნი, ვინც ამდენი სიცოცხლის განადგურების შემზარავმა ფაქტმა შეძრა, ცდილობდნენ, რამენაირად ემოქმედათ პოლიტიკოსებსა და გავლენიან პირებზე, რათა ამ უკანასკნელთ კონტროლი გაეწიათ მსოფლიოში საშინელი ძალის მქონე იარაღის წარმოება-გამოყენებაზე. მართლაცდა, ბევრს იმის შიში გაუჩნდა, რომ ადამიანი უკვე იქამდე მივიდა, რომ საკუთარი თავის განადგურება ხელეწიფებოდა.

გახადა კი შესაძლებელი მშვიდობის დამყარება ბირთვული იარაღის განვითარებამ? ზოგი ამაზე დადებითად პასუხობს. ისინი იშველიებენ იმ ფაქტს, რომ ეს მძლავრი იარაღი ნახევარ საუკუნეზე მეტი ხნის განმავლობაში არ გამოუყენებიათ. მიუხედავად ამისა, ნობელის რწმენა, რომ მასობრივი მოსპობის იარაღები ომის შეწყვეტის მიზეზი გახდებოდა, უსაფუძვლო აღმოჩნდა, ვინაიდან ომები დღესაც გრძელდება და მათ ჩვეულებრივი იარაღით აწარმოებენ. გარდა ამისა, მკვლევართა ერთი ჯგუფის აზრით, ათასობით ბირთვული იარაღი საბრძოლო მზადყოფნაშია და ისინი შეიძლება ნებისმიერ მომენტში აამოქმედონ (Committee on Nuclear Policy). და დღეს, როდესაც ტერორიზმის პრობლემა ასე მწვავედ დგას, ბევრს ეშინია იმისა, თუ რა შეიძლება მოხდეს, თუკი ის მასალა, რითაც ბირთვული იარაღი იქმნება, „ცუდ“ ხელში აღმოჩნდება. მაშინაც კი, როდესაც ის „საიმედო“ ხელშია, არსებობს იმის საშიშროება, რომ მხოლოდ ერთმა საბედისწერო შემთხვევამ მსოფლიო მასშტაბის თერმობირთვული კატასტროფა მოახდინოს. ცხადია, რომ ნობელის წარმოდგენის საპირისპიროდ, ასეთი დამანგრეველი ძალის მქონე იარაღის არსებობა ხელს უშლის მშვიდობის დამყარებას.

ბიოლოგიური და ქიმიური იარაღი. ბაქტერიოლოგიურ ომში გამოიყენება როგორც მომაკვდინებელი ბაქტერიები, ისე ვირუსები. მათი მაგალითებია ციმბირული წყლულის ბაქტერია და ყვავილის ვირუსი. ყვავილის ვირუსი განსაკუთრებით საშიშია, რადგან ადვილად გადამდებია. გარდა ამისა, არსებობს ისეთი ქიმიური იარაღის საშიშროებაც, როგორიცაა მომწამლავი გაზი. ეს მომწამლავი ნივთიერებები მრავალი სახით გვხვდება და მიუხედავად იმისა, რომ ათწლეულების მანძილზე ისინი აკრძალულად ითვლებოდნენ, ამას მათი გამოყენებისთვის ხელი არ შეუშლია.

შეძლო თუ არა ამ საშიშმა იარაღმა და იმ საშიშროებამ, რომელიც მას თან სდევს, ხალხში იმ რეაქციის გამოწვევა, რომელსაც ნობელი წინასწარმეტყველებდა — რომ „უკან დაიხევდნენ და თავის ჯარს დაითხოვდნენ“? პირიქით, ხალხი უფრო მეტად ძრწის იმ აზრზე, რომ ერთ დღესაც ეს იარაღი შეიძლება გამოიყენონ — და შესაძლოა ის არაპროფესიონალების ხელშიც კი მოხვდეს.

არავისთვის სადაოს არ წარმოადგენს ის ფაქტი, რომ XX საუკუნეში ბევრად უფრო დამანგრეველი ძალის ომები ხდებოდა, ვიდრე ნებისმიერ სხვა ეპოქაში. და დღეს, XXI საუკუნის გარიჟრაჟზე, მშვიდობის დამყარების მოლოდინი კიდევ უფრო არარეალურად მოჩანს — განსაკუთრებით კი ნიუ-იორკსა და ვაშინგტონში 2001 წლის 11 სექტემბერს მომხდარი ტერორისტული აქტების შემდეგ. „ფაქტობრივად, ვერავინ იტყვის დანამდვილებით, თუ როგორ იქნება ეს ურთულესი ტექნიკა გამოყენებული — და არსებობს იმის საშიშროება, რომ სასარგებლო მიზნების ნაცვლად ის ბოროტების აღზევებას შეუწყობს ხელს“, — წერს სტივენ ლივი ჟურნალ „ნიუსუიკში“. ის განაგრძობს: „იცის კი ვინმემ, როგორ გაართვას თავი ამ სიტუაციას? კაცობრიობას უხვად მოეპოვება იმის მაგალითები, თუ როგორ ისწრაფოდნენ ზოგიერთები, როგორც თავად თვლიდნენ, პროგრესული მიზნებისკენ და მხოლოდ შემდეგ აანალიზებდნენ, ღირდა თუ არა ამ მიზნების მიღწევა. იმ დროს, როდესაც წარმოუდგენელი კატასტროფის დატრიალების რეალურ საშიშროებაზე ფიქრიც კი არ გვსურს, მის ხელშემწყობ ვითარებებს ვქმნით“.

იმ გაკვეთილებიდან, რასაც ისტორიიდან ვსწავლობთ, ცხადად ვხედავთ, რომ საშინელი ძალის მქონე ფეთქებადი ნივთიერებებისა და მომაკვდინებელი იარაღის გამოგონებამ ოდნავადაც კი ვერ შეუწყო ხელი მსოფლიოში მშვიდობის დამყარებას.

ნობელის სიკვდილიდან 20 წელიც კი არ იყო გასული, რომ პირველი მსოფლიო ომის დროს ახალი მომაკვდინებელი იარაღი გამოიყენეს.

ქიმიური იარაღის შემზარავი ძალა საყოველთაოდ ცნობილიკი მაშინ გახდა, როდესაც 1995 წელს ტოკიოს ერთ-ერთ მეტროში მომწამლავი გაზი, ზარინი, გაუშვეს.

მკვლევართა ერთი ჯგუფის აზრით კი, ათასობით ბირთვული იარაღი საბრძოლო მზადყოფნაშია და ისინი შეიძლება ნებისმიერ მომენტში აამოქმედონ

კომენტარი     ბეჭდვა  

Jase2016-04-26 22:37:45
A piece of eruitidon unlike any other!

NlEyNHp0djU=2016-06-19 01:40:10
1

დაამატე კომენტარი (მაქსიმუმ 2000 სიმბოლო) |

სახელი (მაქს. 20 სიმბოლო)

ელ–ფოსტა (არ გამოქვეყნდება)



www.droni.ge
ქართული კლავიატურა
მედია-ჰოლდინგი "დრონი.ჯი"
MEDIA HOLDING "DRONI.GE"
info@presa.ge
ტელ.: (+995 32) 2-000-247
599 877-901
სარეკლამო ბანერების ფასები
მთავარი | პოლიტიკა | ეკონომიკა | საზოგადოება | სპორტი | ხელოვნება | Yellow Page | დაიჯესტი | ვიდეო | Facebook სიახლეები | სამხედრო | რჩევები | გურმანი | კრიმინალი | მეცნიერება | პერსონა | ავტო| ვალუტა | ამინდი