"ვისაუბრე რომის პაპ ლეონ XIV-სთან და მის უწმინდესობას სრული და სწრაფი გამოჯანმრთელება ვუსურვე ოპერაციის შემდეგ"

„ვისაუბრე რომის პაპ ლეონ XIV-სთან და მის უწმინდესობას სრული და სწრაფი გამოჯანმრთელება ვუსურვე ოპერაციის შემდეგ. მადლიერი ვართ იმისთვის, რომ ამ რთულ პირად პერიოდშიც კი მის უწმინდესობას ახსოვს უკრაინა და ლოცულობს ჩვენი ხალხისთვის.

დეტალურად ვისაუბრე რუსული ესკალაციის ვითარებაზე, უკრაინულ ქალაქებსა და თემებზე რუსეთის მუდმივ დარტყმებზე. ვისაუბრეთ დროებით ოკუპირებულ ოლეშკიში შექმნილ ჰუმანიტარულ კატასტროფაზეც. ვმუშაობთ იმაზე, რომ იქ მყოფ ჩვენს ხალხს დავეხმაროთ. ვამზადებთ გადაწყვეტილებებს. მისმა უწმინდესობამ მომაწოდა ინფორმაცია ამ საკითხზე რუსულ მხარესთან კონტაქტების შესახებ.

რა თქმა უნდა, ვისაუბრეთ ასევე უსაფრთხოების ყველა არსებულ გამოწვევასა და საფრთხეზე, კერძოდ, პარტნიორების მხრიდან რუსული ბალისტიკური შეტევების შესახებ გაფრთხილებების პერიოდულ არარსებობაზე, რაც ბოლო დროს უკვე სამჯერ მოხდა. მადლობას ვუხდი მის უწმინდესობას მხარდაჭერისა და ღირსეული მშვიდობის მიღწევისკენ მიმართული ყველა ძალისხმევისთვის.“ - წერს უკრაინის პრეზიდენტი, ვოლოდიმირ ზელენსკი.