რუსეთის საგარეო საქმეთა სამინისტროს განცხადება ზელენსკის ერევანში ვიზიტის შესახებ
"დიპლომატიური მისიის ხელმძღვანელს განეცხადა, რომ კატეგორიულად მიუღებელია სომხეთში, ევროკავშირის ეგიდით გამართული ბოლოდროინდელი ღონისძიებების ფარგლებში, კიევის ნაცისტური რეჟიმის მეთაურის, ზელენსკისთვის ტრიბუნის დათმობა რუსეთის მისამართით ტერორისტული მუქარების გასაჟღერებლად.
რუსეთის საგარეო საქმეთა სამინისტროში განმარტეს, რომ მოსკოვში ამასთან დაკავშირებით სამართლიან აღშფოთებას გრძნობენ და მიიჩნევენ, რომ ოფიციალური ერევნის მხრიდან ხსენებული ვიზიტორის "მსგავსი აღმაშფოთებელი ქცევის“ მიმართ ჯეროვანი ნეგატიური შეფასების არარსებობა "რუსეთ-სომხეთის ურთიერთობების პარტნიორულ ხასიათს არ შეესაბამება“ - რუსეთის საგარეო საქმეთა სამინისტროს განცხადება.