რუბიომ ტრანსატლანტიკურ ვახშამს უმასმინძლა, სადაც საქართველო მიწვეული არ ყოფილა

ცნობილი ხდება, რომ ამერიკის სახელმწიფო მდივანმა, მარკო რუბიომ 2025 წლის ტრანსატლანტიკურ ვახშამს უმასპინძლა, სადაც საქართველო მიწვეული არ ყოფილა.

„გაეროს გენერალური ასამბლეის მაღალი დონის კვირეულის ფარგლებში, ყოველწლიურ ტრანსატლანტიკურ ვახშამზე ნატოს, ევროკავშირის ლიდერებსა და საგარეო საქმეთა მინისტრებს და სხვა სპეციალურ სტუმრებს ვუმასპინძლეთ.

ერთად კიდევ ერთხელ დავადასტურეთ ჩვენი საერთო ერთგულება მშვიდობის, უსაფრთხოებისა და კეთილდღეობის მიმართ. პრეზიდენტის ხელმძღვანელობით აშშ და ევროპა უფრო ძლიერები, ერთიანები და გლობალური გამოწვევების წინაშე დგომას ელიან“ - წერს მარკო რუბიო.

აღსანიშნავია, რომ ვახშამს ევროკავშირისა და ნატოს წევრი ქვეყნების საგარეო საქმეთა მინისტრები, აგრეთვე, ნატოს გენერალური მდივანი მარკ რუტე, ევროკავშირის უმაღლესი წარმომადგენელი კაია კალასი და სომხეთის, აზერბაიჯანის, შვეიცარიისა და უკრაინის საგარეო საქმეთა მინისტრები ესწრებოდნენ.