"აშშ-მა არ უნდა განახორციელოს ნავთობის იმპორტი რუსეთიდან, სანამ ის არ შეწყვეტს აგრესიას უკრაინის წინააღმდეგ..."
„კონგრესმა 2022 წელს პირდაპირ აკრძალა რუსული ენერგორესურსების იმპორტი, რათა აღეკვეთა ამერიკული დოლარებით პუტინის მიერ უკრაინის წინააღმდეგ წარმოებული სასტიკი ომის დაფინანსება. კონგრესის პოზიცია მკაფიო იყო: აშშ-მა არ უნდა განახორციელოს ნავთობის იმპორტი რუსეთიდან, სანამ ის არ შეწყვეტს აგრესიას უკრაინის წინააღმდეგ და მუქარას ჩვენი ნატოელი მოკავშირეების მისამართით.
პრეზიდენტ ტრამპის გადაწყვეტილება, ნება დაერთო აშშ-ში რუსული დიზელის იმპორტზე, პირდაპირ ეწინააღმდეგება აღნიშნულ კანონს. ადმინისტრაციამ ასევე ვერ შეძლო კონგრესთან კონსულტაციების გამართვა და კანონით მოთხოვნილი რაიმე განმარტების წარდგენა საკუთარი გადაწყვეტილების დასასაბუთებლად.
შეერთებულმა შტატებმა არ უნდა მიაწოდოს პუტინს ფინანსური გადარჩენის წყარო იმ ფონზე, როდესაც რუსეთი აგრძელებს უკრაინელი მშვიდობიანი მოქალაქეების მკვლელობას. ადმინისტრაციამ დაუყოვნებლივ უნდა შეცვალოს ეს კურსი.“ - წერია ამერიკელი სენატორების ერთობლივ განცხადებაში.
ეს განცხადება ეხება პრეზიდენტ ტრამპის გადაწყვეტილებას აშშ-ში რუსული დიზელის იმპორტის დაშვების შესახებ, რაც სენატორების შეფასებით ეწინააღმდეგება 2022 წელს კონგრესის მიერ მიღებულ კანონს და რუსეთს დამატებით ფინანსურ რესურსს აძლევს.