როდემდე შენარჩუნდება 40 გრადუსზე მაღალი ტემპერატურა საქართველოში – დღეს +43 გრადუსი გამოცხადდა
გარემოს ეროვნული სააგენტოს მოკლევადიანი პროგნოზების სამმართველოს უფროსის, დოდო გვაზავას განცხადებით, მაღალი ტემპერატურა აღმოსავლეთ საქართველოში 22 ივლისამდე შენარჩუნდება, დასავლეთში – 21-მდე.
„უკვე შემდეგ რიცხვებში კი, ტემპერატურა რამდენიმე გრადუსით დაიკლებს. ზოგიერთ რაიონში მოსალოდნელია ხანმოკლე წვიმა-ელჭექით. ტემპერატურა ყველგან იკლებს, მათ შორის, დედაქალაქში. 28 ივლისამდე დასავლეთ საქართველოში ჰაერის მაქსიმალური ტემპერატურა 32 გრადუსამდე იქნება. რაც შეეხება აღმოსავლეთ საქართველოს, აქ შედარებით მეტი – 34-მდე,“ – ამბობს დოდო გვაზავა.
შეგახსენებთ, რომ გარემოს ეროვნული სააგენტოს ცნობით, დღეს ჰაერის ტემპერატურა +43 გრადუსს მიაღწევს.
მსგავსი სიახლეები
კომენტარი