განგაში რუსთავი 2-სა და იმედში - ცრუ შეტყობინებების ავტორთა ვინაობა უკვე დადგენილია
ცრუ განგაში აღმოჩნდა ხმები ტელეკომპანიების იმედისა და რუსთავი 2-ის შენობებში ასაფეთქებელი მოწყობილობების არსებობის შესახებ.
ვრცელდება ინფორმაცია, რომ შინაგან საქმეთა სამინისტრომ "რუსთავი 2"-სა და "იმედში" ასაფექებელი მოწყობილობის არსებობის შესახებ შეტყობინების ავტორების ვინაობა დაადგინა. შსს-სმიერ გავრცელებული ინფორმაციის თანახმად, პირი, ვინც "112-ში" "რუსთავი 2"-ში ასაფეთქებელი მოწყობილობის არსებობის შესახებ დარეკა, უკვე დაკავებულია. "იმედის" შესახებ ცრუ შეტყობინების ავტორი კი ჯერჯერობით დაკავებული არ არის. შსს-ს ინფორმაციით, საქმე აღძრულია ტერორიზმის შესახებ ცრუ შეტყობინების ბრალდებით.
შეგახსენებთ, რომ დღეს დილით 112-ში შევიდა შეტყობინება იმის შესახებ, რომ რუსთავი 2-ის შენობაში ასაფეთქებელი მოწყობილობა იყო დამონტაჟებული, რის გამოც მოხდა თანამშრომლების ევაკუაცია და შენობის ჩხრეკა. რამდენიმე საათის შემდეგ კი იგივე ინფორმაცია ტელეკომპანია იმედის შენაბაზეც გავრცელდა, რასაც იმედის თანამშრომელთა ევაკუაციაც მოყვა.
მსგავსი სიახლეები
კომენტარი