გვირაბის ბოლოს გამოჩნდა უფრო კაშკაშა სინათლე – ორი მნიშვნელოვანი სიახლე კოვინპანდემიაზე
მიუხედავად იმისა, რომ კორონავირუსის პანდემია უკან არ იხევს და საქართველო შევიდა პიკში, დაავადებათა კონტროლის ეროვნული ცენტრის ხელმძღვანელი, ამირან გამყრელიძე ყურადღებას ამახვილებს ორ პოზიტიურ სიახლეზე.
„კლება ჯერ არ არის და მატება კიდევ გაგრძელდება. პიკი რამდენ ხანს გაგრძელდება ჩვენ ეს ჯერ არ ვიცით…
სიკვდილიანობა შემცირებულია პროცენტულად გაზაფხულთან მიმართებაში და გამოჯანმრთელებულთა რაოდენობა სულ უფრო იზრდება. მეორე დამამშვიდებელი ინფორმაცია არის ის, რომ როგორც ჯანმოს დირექტორმა განაცხადა, გვირაბის ბოლოს გამოჩნდა უფრო კაშკაშა სინათლე – რამოდენიმე ვაქცინა არის დამტკიცების ზღურბლზე. დიდმა ქვეყნებმა განაცხადეს, რომ დეკემბრის მეორე ნახევრიდან შესაძლებელია, დაიწყონ რისკ ჯგუფების აცრები. ეს განაცხადა აშშ-მ, გერმანიამ, ემზადება დიდი ბრიტანეთი და რამდენიმე ქვეყანა“, – განაცხადა ამირან გამყრელიძემ.
მიუხედავად ამისა, ამირან გამყრელიძე საქართველოში პიკურ სიტუაციაზე საუბრობს, რაც მოდუნების საშუალებას არ იძლევა. მისი თქმით, განსაკუთრებით საყურადღებო იქნება დეკემბრის პირველი კვირა ინფიცირებულთა და გარდაცვლილთა მაჩვენებლის მხრივ.
მსგავსი სიახლეები
კომენტარი