დღეს პირველად ბათუმში, ტენისის კორტებზე ელექტრონული მუსიკის ფესტივალი „ბლიკ 2015“ სტარტს აიღებს

ბათუმი ელექტრონული მუსიკის დღეებს უმასპინძლებს. კვირეული ზღვისპირა ქალაქში „ჰით-ბათუმი 2015“-ის ფარგლებში გაიმართება და 23 აგვისტოს დასრულდება.

დღეს, 20 აგვისტოს, პირველად ბათუმში, ტენისის კორტებზე ელექტრონული მუსიკის ფესტივალი „ბლიკ 2015“ სტარტს აიღებს, რომელიც 3 დღის განმავლობაში გაგრძელდება დაბათუმში 23 აგვისტოსდასრულდება.

ელექტრონული მუსიკის ფესტივალი უცხოელ და ქართველ შემსრულებლებს აერთიანებს. ამავდროულად, „სითი საუნდი“ უცხოელ და ქართველ არტისტებს მოუყრის თავს. აღნიშნული ფესტივალის ამოცანაა იმ ტიპის „საუნდის“ პოპულარიზაცია, რაც დღეს პოპულარულია ევროპაში, კერძოდ ბერლინში. მნიშვნელოვანია, რომ აქცენტი ქართველ დიჯეებზე გაკეთდება.

ფესტივალში 20 ქართველი და 25 უცხოელი არტისტი მონაწილეობს. სითი საუნდის დღეები 3 დღის განმავლობაში გაგრძელდება და სამი სხვადასხვა ფორმატის ელექტრონულ მუსიკას გააერთიანებს. სამი დღის განმავლობაში სცენის დიზაინები სამჯერ განახლდება. პირველ დღეს - განათება, მეორე დღეს დაემატება ვიზუალ არტი და მესამე დღეს კი ამ ყველაფერს ე.წ. მეფინგი გააერთიანებს. სცენის დიზაინზე, ვიზუალზე და მეფინგზე მსოფლიოს არტისტებთან ერთად ქართველი შემსრულებლებიც მიიღებენ მონაწილეობას.

ელექტრონული მუსიკის ფესტივალის მიზანია ქართველი და ევროპელი დიჯეების დაახლოება, , მუსიკის გაცნობა, კონტაქტების გაცვლა და ქართული ელექტრონული მუსიკის ევროპაში პოპულარიზაცია.

ბათუმის ჩოგბურთის კორტები ელექტრონული მუსიკის ფესტივალის ფარგლებში 20-22 აგვისტოს 20:00 საათზე City Sound-ს უმასპინძლებს, ხოლოდ 20-23 აგვისტოს, 13:00 – 19:00 საათზე საფესტივალო კლუბი Take Five გიორგი შენგელიას, DJ ერიქსონს, DJ კობერტს, Vincent Volt, Hvl და ლაშა გურულს რეპერტუარს დაეთმობა. 21 და 23 აგვისტოს, 20:00 საათზე ბათუმის თანამედროვე ხელოვნების ცენტრსა და პიაცაზე მუსიკალური საღამო „მუსიკა საზღვრებს გარეშე“ გაიმართება. ელექტრონული მუსიკის ფესტივალი 23 აგვისტოს, საფესტივალო კლუბში გიორგი შენგელიას რეპერტუარით დასრულდება.

ელექტრონული მუსიკის დღეების ფარგლებში, 18-19 აგვისტოს, ბათუმს პაროვ სტელარის ბენდის წევრი - მაქს ზი საქსი ეწვია, რომელმაც საკუთარი რეპერტუარი საფესტივალო კლუბ “Take Five” - ში შეასრულა. მაქს ზი საქსი პაროვ სტელარის ბენდის წევრია და უკრავს საქსაფონზე. მან ასევე პაროვ სტელარისგან დამოუკიდებლად შექმნა ორკაციანი ჯგუფი, საქსაფონითა და დრამერით. სწორედ მათ, ზღვისპირა ქალაქის დამსვენებლებს საოცარი საღამო უსახსოვრეს. მაქს ზი საქსის რეპერტუარის მოსმენა მის თაყვანისმცემლებს 2 დღის განმავლობაში შეეძლოთ. ეს არის მუსიკა, რომელიც არ უნდა გამოტოვთ! განუმეორებელი Max the Sax კონცერტები დასრულდა, ელექტრონული მუსიკის დღეები გრძელდება!

”ჰით ბათუმის 2015” - აქ ყოველდღე რაღაც ხდება!

პროექტი „ჰით ბათუმი“ 11 კვირისგან შედგება და თოთოეული კვირა სხვადასხვა მიმართულების არტს მოიცავს. მრავლფეროვანი პროგრამა გათვლილია ყველა თაობისა და გემოვნების ადამიანისთვის. შესაბამისად, დამსვენებლებს შესაძლებლობა აქვთ, საკუთარი ინტერესებიდან გამომდინარე, დაგეგმონ ბათუმში დასვენებისა და გართობის დღეები.

„ჰით ბათუმის“ ფარგლებში, 2 თვის განმავლობაში დაგეგმილია 200-ზე მეტი ღონისძიება, ამ პერიოდის განმავლობაში ბათუმს 20-მდექვეყნიდან 259 უცხოელი არტისტი სტუმრობს. ღონისძებაში ჩართულია 50 ორგანიზაცია და 2000-მდე მონაწილე.

„ჰით ბათუმი 2015“ წარმოადგენს ბათუმის საზაფხულო სეზონის სპეციალურ პროექტს, რომელიც თავის თავში მოიცავს 2 თვიანი პერიოდისგანმავლობაში სხვადასხვა მიმართულების ფესტივალებისა და გასართობი ღონისძიებების ჩატარებას უწყვეტ რეჟიმში. 6 ივლისიდან 15სექტემბრამდე, ყოველ კვირას, ბათუმში ჩატარდება განსხვავებული ტიპის ივენთები, რომლის კომუნიკაციაც მოხდება ერთიანი ქოლგის ქვეშ, სახელწოდებით „ჰით ბათუმი“.

პროექტის განმახორციელებელია ბათუმის მერია და საკრებულო, ასევე მის განხორციელებაში ჩართულები არიან კულტურისა და ძეგლთადაცვის სამინისტრო და მისი სსიპი „კულტურის განვითარების საინვესტიციო ფონდი“, ტურიზმის ეროვნული ადმინისტრაცია და აჭარისტურიზმის დეპარტამენტი. პროექტი „ჰით ბათუმი“ სახელმწიფო პროექტს წარმოადგენს, რომლის მიზანია ერთის მხრივ აჭარის ტურისტულიპოტენციალის, ხოლო მეორეს მხრივ მთლიანად ქვეყნის პრომოუშენი გარე და შიდა აუდიტორიაში.