სექსი ქალიშვილთან

„საქალწულე აპკი მხოლოდ იმაზე მეტყველებს, რომ ქალს სექსუალური გამოცდილება არა აქვს.“ - სამედიცინო და ფსიქოლოგიური ხასიათის სტატია, აღნიშნული სათაურით geosexmd-მ გამოაქვეყნა.

ზოგიერთი ქალი მამაკაცთან სექსს მხოლოდ იმიტომ თანხმდება, რომ მამაკაცი იძულებული გახდეს მასთან დარჩეს. თუმცა პრაქტიკამ აჩვენა, რომ თუ კაცს არ უნდა ქალთან დარჩენა მაღალი ალბათობით მაინც მიატოვებს მას. შესაბამისად ქალის მხრიდან გაღებული მსხვერპლი სულ ტყუილად ჩაივლის.

ქალების დიდი ნაწილი ქალიშვილობას საუთარი სურვილით კარგავს (მცირე ნაწილში ძალადობის მსხვერპლები მყავს მხედველობაში). როცა ქალი მზად თვლის თავს პირველი სექსისთვის, სასურველია დაფიქრდეს სექსის უსაფრთხოებაზე. კარგია, თუ ორივე პარტნიორი გაითვალისწინებს, რომ პირველი სექსის დროს, როცა გოგონა ქალიშვილია, არ არის რეკომენდებული ალკოჰოლური სასმელების გამოყენება. ამასთან სასურველია თავიდანვე იქნას ნაფიქრი კონტრაცეფციის საშუალებებზე, რათა თავიდან იქნას არიდებული არასასურველი ორსულობა და სხვა ბევრი დაავადება (ეს იმ შემთხვევაში, როცა წყვილი ერთმანეთის ჯანმრთელობაში დარწმუნებული არაა).

სექსოლოგები ადამიანებს მოუწოდებენ გარკვეულ ასაკამდე (საშუალოდ 17-20 წლამდე) სექსისგან თავი შეიკავოს, როგორც ქალმა, ასევე მამაკაცმა, რათა სქესობრივი გზით გადამდები დაავადებები და არასასურველი ორსულობები იქნას თავდან აცილებული. ამ პერიოდში ახალგაზრდებს შეუძლიათ, მასტურბაციით, პეტინგითა და კოცნით დაიკმაყოფილონ სექსუალური სურვილები. ამასთან ამ ასაკამდე ქალის ორგანიზმში საშოს სეკრეტის გამოყოფა არ არის სრულყოფილად ჩამოყალიბებული და შესაბამისად პირველი სექსის დროს საჭირო ხდება დამატებით ლუბრიკაციაზე ფიქრი.

პირველი სექსის დროს რომ ორივე პარტნიორმა უნდა გაითვალისწინოს ჰიგიენური ნორმები მაგას ბევრჯერ ხაზგასმა არ უნდა.

დასაწყისისთვის კარგია ხანგრძლივი პრელუდია, რათა გოგონა კარგად აღიგზნოს და სათანადოდ მოდუნდეს. პრელუდიის დროს მამაკაცი უნდა იყოს ნაზი და აკურატული, უხეში მოძრაობები პარტნიორის დაფრთხობის მიზეზი შესაძლოა გახდეს.

უშუალოდ სექსის დროს პოზა უნდა იქნას სწორად შერჩეული. კარგია, თუ ქალს იმდენი სექსუალური განათლება ექნება, რომ სექსის პოზები იცოდეს, შესაბამისად ის აირჩევს თავისთვის სასურველ პოზას. ქალების უმრავლესობა ირჩევს მისიონერულ პოზას (ქალი წევს ზურგზე, ფეხები შესაძლოა მოხრილი ჰქონდეს მუხლის სახსარში და დუნდულების ქვეშ ამოდებული აქვს პატარა ბალიში), ნაწილი კი არჩევს მხედრულს, რათა თავად აკონტროლოს პენისის საშოში შეღწევის სიღრმე და ფრიქციების სისწრაფე. მისიონერული პოზა და დუნდულების ქვეშ ამოდებული ბალიში საქალწულე აპკის ნაწილობრივ დაჭიმვას იწვევს, შესაბამისად დაჭიმული აპკის პენისის შეხებისას შედარებით ადვილად იხევა. თუმცა მხედრული პოზა პირველი სექსის დროს ბევრი ქალის არჩევანია.

პირველი სქესობრივი კონტაქტი შესაძლოა დასრულდეს სხვადასხვა ინტენსივობის სისხლდენით, ან აბსოლუტურად უსისხლოდ ჩაიაროს. ეს სულაც არ ნიშნავს, რომ გოგონა ქალიშვილი არ იყო, აქ გათვალისწინებული უნდა იქნას საქალწულე აპკის შენებისა და სისხლმომარაგების თავისებურებები.

პირველი სექსის შემდეგ სასურველია წყვილმა 4-5 დღე თავი შეიკავოს სექსისგან, რათა ჭრილობა აპკზე შეხორცდეს, თუმცა ეს არ არის აუცილებელი და წყვილის სურვილზეა დამოკიდებული.