ამერიკული არჩევნების შედეგებმა რუსები შეაშინა

მოსკოვში დაბნეულობაა. როგორც ირკვევა, აშშ-ში რესპუბლიკური პარტიის საარჩევნო წარმატებამ რუსი ჩინოვნიკები ფრიად შეაშფოთა. უცხოური პრესის მიერ გავრცელებული ინფორმაციით, კრემლის მაღალჩინოსნებს ეჭვი გაუჩნდათ, რომ ამ მოვლენამ, შესაძლოა, რუსულ-ამერიკული "გადატვირთვის პროცესზე" ნეგატიური ზეგავლენა მოახდინოს.
დსფგსდგდფგჰდფჰფგჰ

თუმცა, "გადატვირთვის პოლიტიკა" ბოლო ხანს ისედაც ნაკლებად აქტუალური ჩანდა და, ფაქტია, რომ განსაკუთრებული შედეგებიც ვერ მოიტანა. მაგრამ, როგორც ჩანს, რუსეთს გარკვეული გეგმები და იმედები ამ მიმართულებით ჯერ კიდევ აქვს.

დსფგსდგდფგჰდფჰფგჰ
კრემლის ოფიციალური პოლიტოლოგები ეჭვობენ, რომ არის საშიშროება რესპუბლიკური პარტიის პოზიციების გაძლიერებას, რუსეთთან მიმართებაში ობამას პოლიტიკის შესუსტება მოჰყვეს და ქვეყნებს შორის ურთიერთობებიც გამწვავდეს. საამისო კონტურები ჯერ კიდევ მაშინ გამოიკვეთა, როდესაც აღმოჩნდა, რომ აშშ-ის პრეზიდენტის "რუსული პოლიტიკით", თვით მისი საკუთარი გარემოცვა და სპეცსამსახურებიც იყვნენ უკმაყოფილონი.

დსფგსდგდფგჰდფჰფგჰ
ახლა კი, რუსები ისე შეაშინა ჩატარებული არჩევნების შედეგებმა, რომ რუსეთ-აშშ-ის შორის ბირთვული შეიარაღების შემცირებაზე წარმოდგენილი ხელშეკრულების რეკომენდაციის რატიფიცირებაზე უარის თქმაზეც დაფიქრდნენ. არადა, ეს შეთანხმება ორ ქვეყანას შორის "გადატვირთვის პოლიტიკის" ერთ-ერთ უმთავრეს მიღწევად მიიჩნეოდა.

დსფგსდგდფგჰდფჰფგჰ
თუმცა, ამ მხრივ, როგორც ირკვევა, პრობლემა არა მხოლოდ რუსული მხრიდან იქნება. არჩევნების შემდეგ, ამ მიმართულებით შეერთებულ შტატებშიც ბევრი რამ შეიცვლება. მით უმეტეს, რომ, როგორც ცნობილი ხდება, ამერიკელების დიდი ნაწილი ნაკლებად ენდობა ობამას სიტყვას და საქმეს. დემოკრატების საშინაო თუ საგარეო პოლიტიკა აშშ-ის მოსახლეობისთვის მთლად მიმზიდველი არ აღმოჩნდა.

მიმდინარე მოვლენების მიხედვით, ლოგიკურია, რომ რუსებს ამერიკული პოლიტიკის რადიკალიზაციის უკიდურესად შეეშინდათ. პერმანენტულად შეშფოთებული ევროპელები ჩუმად ადევნებენ თვალს განვითარებულ მოვლენებს. ვითარების ამგვარი სცენარით განვითარების შემთხვევაში კი, სამომავლოდ, დიდი შანსია, რომ აშშ-რუსეთის ურთიერთობა კვლავ ძველებურად დაიძაბოს.