ორბანს ვთხოვე, დამისახელოს მიზეზი, რის გამოც უკრაინა არ იმსახურებს EU-ს წევრობას - ზელენსკი

არგენტინაში, ვიქტორ ორბანთან შეხვედრისას, ვოლოდიმირ ზელენსკიმ უნგრეთის პრემიერ-მინისტრს სთხოვა, დაესახელებინა მიზეზი, რის გამოც უკრაინა ევროკავშირის წევრობას არ იმსახურებს.

ზელენსკის თქმით, აუცილებელია მოეწყოს კონსტრუქციული შეხვედრა, სადაც მხარეები განიხილავენ უნგრეთის უარყოფით დამოკიდებულებას უკრაინისადმი.

ვერ ვიტყვი, რომ ეს იყო სპეციალურად ან მიზანმიმართულად დაგეგმილი შეხვედრა. ჩვენ გვქონდა დიალოგი. ეს მართალია.

მე ვფიქრობ, რომ ჩვენ უნდა მოვაწყოთ კონსტრუქციული შეხვედრა, რადგან ჩვენ გვაქვს საერთო საზღვრები, ჩვენ მეზობლები ვართ და უნდა ვისაუბროთ.

ერთ-ერთი ძალიან მნიშვნელოვანი თემა, რომელიც მე დავსვი, სწორედ ის იყო, რომ ჩვენ უნდა ვისაუბროთ, უნდა გადავჭრათ პრობლემები. ამიტომ ჩვენ უბრალოდ უნდა შევხვდეთ. მე ვაჩვენე მას ჩემი პოზიტიური დამოკიდებულება“, - განაცხადა ზელენსკიმ.