რუსებმა ჩრდილოეთ უკრაინაში მშვიდობიანი მოქალაქეები სიკვდილით დასაჯეს და აწამეს - Human Rights Watch
სიკვდილით დასჯა და წამება რუსული ოკუპაციის დროს - Human Rights Watch ანგარიშს აქვეყნებს, რომელიც კიევისა და ჩერნიგოვის ოლქებში დაფიქსირებულ დანაშაულებს ეხება.
ორგანიზაციის წარმომადგენლები უკრაინას აპრილსა და მაისში ეწვივნენ და როგორც განცხადებაში ვკითხულობთ, გამოიძიეს სიკვდილით დასჯის 22, სხვა უკანონო მკვლელობის 9, გაუჩინარების 6 და წამების 7 ფაქტი.
"რუსული ძალები, რომლებიც აკონტროლებენ კიევისა და ჩერნიგოვის რეგიონების დიდ ნაწილს ჩრდილო-აღმოსავლეთ უკრაინაში 2022 წლის თებერვლის ბოლოდან მარტამდე, ახორციელებდნენ მშვიდობიანი მოსახლეობის სიკვდილით დასჯას, წამებას და სხვა მძიმე შეურაცხყოფას, რაც აშკარა ომის დანაშაულს წარმოადგენს
აპრილში კიევისა და ჩერნიგოვის რეგიონის 17 სოფელსა და პატარა ქალაქში, Human Rights Watch-მა გამოიძია სიკვდილით დასჯის 22, სხვა უკანონო მკვლელობის 9, შესაძლო იძულებითი გაუჩინარების 6 და წამების 7 შემთხვევა. 21 მშვიდობიანი მოქალაქე აღწერს უკანონო პატიმრობას არაადამიანურ და დამამცირებელ პირობებში." - წერს Human Rights Watch.
ორგანიზაციამ 10 აპრილიდან 10 მაისამდე, 65 ადამიანი გამოკითხა. მათ შორის ყოფილი მძევლები, მსხვერპლთა ოჯახები და სხვა მოწმეები. ასევე შეისწავლა მტკიცებულებები იმ ადგილებში, სადაც მოხდა სავარაუდო ძალადობის ფაქტები, ასევე დაზარალებულთა და მოწმეების მიერ გაზიარებული ფოტო და ვიდეომასალები.
"24 თებერვალს უკრაინაში რუსეთის შეჭრის შემდეგ, რუსული ძალები ჩართულნი არიან ომის კანონების მრავალ დარღვევაში, რაც შეიძლება იყოს ომის დანაშაულები და დანაშაული კაცობრიობის წინააღმდეგ. Human Rights Watch-მა ადრე დააფიქსირა 10 შემაჯამებელი სიკვდილით დასჯა ქალაქ ბუჩასა და რამდენიმე სხვა ჩრდილო-აღმოსავლეთის ქალაქსა და სოფელში რუსული ძალების მიერ მარტში ოკუპაციის დროს." წერს საერთაშორისო ორგანიზაცია.
Human Rights Watch-ის ევროპისა და ცენტრალური აზიის განყოფილების დირექტორის, გიორგი გოგიას განცხადებით, რუსეთის მშვიდობიანი მოსახლეობის მიმართ ჩადენილი ძალადობის ფაქტები სასწრაფოდ უნდა გამოიძიონ.
მსგავსი სიახლეები
კომენტარი