ჟენევის მოლაპარაკებები უშედეგოდ დასრულდა

ევროკავშირის და ნატოს ეგიდით მიმდინარე, ჟენევის მოლაპარაკებების მე-14 რაუნდი, სადაც ქართული და რუსული დელეგაციები იყვნენ წარმოდგენილი, უშედეგოდ დასრულდა. ქართული მხარის განმარტებით, ამის მიზეზი რუსეთის არაკონსტრუქციული დამოკიდებულება გახდა.

dfsdfsdfsdf
დისკუსიის თემა, როგორც ცნობილია, ძალის გამოუყენებლობის და საერთაშორისო უსაფრთხოების გარანტიების საკითხი იყო. თბილისიდან წარგზავნილმა დელეგაციამ პრეზიდენტ სააკაშვილის სამშვიდობო ინიციატივა წარადგინა, თუმცა უშედეგოდ.
dfsdfsdfsdf

რუსული მხარე საქართველოს მისამართით მეტად ცინიკური განცხადებებით გამოვიდა და მოლაპარაკებების გაგრძელებამ აზრი დაკარგა. აგვისტოს "ხუთდღიანი ომის" მონაწილეები ერთმანეთს უკანასკნელად 2008 წლის 14 ოქტომბერს შეხვდნენ. ამის შედგომ ეს იყო პირველი შეხვედრა მათ შორის.

dfsdfsdfsdf
უცხოური პრესა ხაზს უსვამს იმ ფაქტს, რომ გასულ კვირას საქართველოს პრეზიდენტმა, მიხეილ სააკაშვილმა, განცხადება გააკეთა საქართველოს ტერიტორიაზე ტერორისტული აფეთქებების გამოძიების შესახებ, რომელიც ორგანიზებული იყო რუსეთის შეკვეთით მომუშავე საქართველოს მოქალაქეების მიერ. ნოემბრის დასაწყისში კი, გაიხსნა საქმე მასშტაბური რუსული ჯაშუშური ქსელის შესახებ, რომელიც საქართველოს ტერიტორიაზე მოქმედებდა.
dfsdfsdfsdf

ამ ყველაფერმა მოსკოვის დიდი გაღიზიანება გამოიწვია. მიუხედავად ამისა, მიხეილ სააკაშვილმა ნოემბერშივე სტრასბურგში ევროპარლამენტის დეპუტატების წინაშე გამოსვლისას, მოსკოვს დიალოგზე წამოსვლისაკენ მოუწოდა. ეს მოწოდება, როგორც ჩანს, კრემლმა დიდი ენთუზიაზმით არ მიიღო.

ამჯერად, უშედეგოდ დასრულებული შეხვედრის შემდგომ, მხარეები მხოლოდ იმაზე შეთანხმდნენ, რომ მოლაპარაკებათა შემდეგი რაუნდი მომავალი წლის მარტში გაიმართება.