მტკვრის მარჯვენა სანაპიროზე მომხდარი ავტოსაგზაო შემთხვევის შედეგად მოტოციკლის მძღოლი გარდაიცვალა
დღეს, მტკვრის მარჯვენა სანაპიროზე, ვახუშტის ხიდის მიმდებარე ტერიტორიაზე მომხდარი ავტოსაგზაო შემთხვევის შედეგად, მოტოციკლის მძღოლი გარდაიცვალა.
ინფორმაციას შინაგან საქმეთა სამინისტროში რუსთავი2-ს დაუდასტურეს.
როგორც სასწრაფო სამედიცინო დახმარების ცენტრში რუსთავი2-ს განუცხადეს, მამაკაცს ავტოსაგზაო შემთხვევის დროს მრავლობითი დაზიანებები აღენიშნებოდა. ის რესპუბლიკურ საავადმყოფოში გადაიყვანეს, თუმცა მძიმე დაზიანებების გამო, მისი გადარჩენა ვერ მოხერხდა.
საქმეზე გამოძება სისხლის სამართლის კოდექსის 276-ე მუხლის მე-5 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის გარდაცვალება გამოიწვია.
მსგავსი სიახლეები
კომენტარი