"ხალხი რას გაიგებს ვის შევხდით, ხელცარიელი ხომ არ დავბრუნდებით, ჩვენ მაინც გავაკეთოთ კომენტარები" - ნათია თურნავას და მისი დელეგაციის კრახით დასრულებული ვიზიტის დეტალები აშშ-ში
"ხალხი რას გაიგებს ვის შევხდით, ხელცარიელი ხომ არ დავბრუნდებით, ჩვენ მაინც გავაკეთოთ კომენტარები" - ვასო ურუშაძე ნათია თურნავას და მისი დელეგაციის კრახით დასრულებული ვიზიტის დეტალების შესახებ წერს:
"საქართველოს მდგრადი განვითარებისა და ეკონომიკის მინისტრი, ქალბატონი ნათია თურნავა დიდის ამბით, მრავალრიცხოვან დელეგაციასთან ერთად გაემგზავრა აშშ-ი. ვიზიტის მიზანი იყო ამერიკული ავიაკომპანია United Airlines-ი დაერწმუნებინათ იმაში, რომ თბილისიდან აშშ-ი ფრენების შესრულება არის კომერციულად მოგებიანი.
როგორც ჩემთვის გახდა ცნობილი,
United Airlines-ის ვერც ერთმა მაღალი რანგის, გადაწყვეტილების მიმღებმა,
თანამდებობის პირმა, ეკონომიკის მინისტრთან და მის დელეგაციასთან
შეხვედრისთვის ვერ მოიცალა. ქართულ
დელეგაციას ერთ-ერთ სასტუმროს მისაღებში შეხვდა, ლანჩ თაიმზე გამოსული
United Airlines-ის საზოგადოებასთან ურთიერთობის დეპარტამენტის ერთ-ერთი
რიგითი თანამშრომელი. შეხვედრამ როგორ ჩაიარა, აღარ დავწვრილმანდები, მაინც
სახელმწიფოს საიდუმლოების საკითხია. შეხვედრის შემდეგ, ეკონომიკის
სამინისტროს პრესსამსახურს უთხოვია კომენტარი United Airlines-ის
თანამშრომლისთვის, რომელმაც მიუგო, რომ არ იყო უფლებამოსილი პირი და
მოუწოდა, რომ მიერმართად ავიაკომპანიის პრესსამსახურისთვის. შემდეგ
ერთმანეთს გადახედეს და ჩვენ მაინც გავაკეთოთ კომენტარები, ხალხი რას
გაიგებს ვის შევხდით, ხელცარიელი ხომ არ დავბრუნდებითო. ამჯერად ეკონომიკის
სამინისტროს პრესსამსახურმა სასტუმროს ადმინისტრაცია მიმართა, ხომ
შეიძლება მიმღებში დელეგაციის კომენტარები ჩავწეროთო, სასტუმროს
ადმინისტრაციამ მტკიცე უარი განუცხადა და მოუწოდა, გარეთ
გაბრძანებულიყვნენ და იქ ჩაეწერათ.
ვიდეო მასალა იხილეთ კომენტარებში:
საინტერესოა საქართველოს მოქალაქეებს, გადასახადის გადამხდელებს რა დაგვიჯდა ეს გრანდიოზული და ნაყოფიერი საქართველოს სამთავრობო დელეგაციის ვიზიტი შეერთებულ შტატებში - მალე გაიგებთ #HUBGeorgia" - წერს ვასო ურუშაძე.
მსგავსი სიახლეები
კომენტარი