უცნობი ჯარისკაცის საფლავთან „თავისუფალი ზონის“ წევრი და „კომუნისტური პარტიის“ წევრები ერთმანეთს დაუპირისპირდნენ
ვაკის პარკში, უცნობი ჯარისკაცის საფლავთან „თავისუფალი ზონის“ წევრი გიორგი რუხაია და „კომუნისტური პარტიის“ წევრები ერთმანეთს დაუპირისპირდნენ.
„კომუნისტური პარტიის“ წევრები უცნობი ჯარისკაცის საფლავთან საბჭოთა კავშირის დროშებით და სტალინის სურათებით მივიდნენ, რაც „თავისუფალი ზონის“ წარმომადგენლებმა გააპროტესტეს.
გიორგი რუხაიამ „კომუნისტური პარტიის“ ლიდერს გრიშა ონიანს და მის თანამოაზრეებს ქვეყნის გამყიდველები უწოდა. თავის მხრივ, გრიშა ონიანმა მას უპასუხა, რომ ის არის მოსყიდული ადამიანი, რის შემდეგაც რუხაიას ფიზიკურადაც დაუპირისპირდა და რამდენჯერმე ხელი ჰკრა. ინციდენტი რამდენიმე წუთში ამოიწურა. „კომუნისტური პარტიის“ წევრები ამ დრომდე საფლავთან იმყოფებიან.
მსგავსი სიახლეები
კომენტარი