ამბობენ, პურის, შაქრის, ხილის ფასი ორჯერ გაძვირდაო. რა გამოდის? ამ ბოლო პერიოდამდე ორჯერ ნაკლები ღირებულა პური, ე.ი. დღეს რომ შოთი 70 თეთრი ღირს, ბოლო პერიოდამდე 35 თეთრი ღირებულა. აი, ეს ბოლო პერიოდი სადამდე ჩადის, ეგ ვეღარ გავიგე... ხორცის, დენის, გაზისა და მუნიციპალური ტრანსპორტის ღირებულება – ოთხჯერო. მუნიციპალური ტრასნპორტი დღეს 40 თეთრია. ოთხჯერ ნაკლები – 10 თეთრი ბოლოს როდის იყო? ან 2-3 ლარი ბოლოს როდის ღირდა ხორცი? ბენზინის ფასი 8-ჯერ გაიზარდაო. ეტყობათ, ნამდვილად ეტყობათ, მაგათ თავიანთი "კალონკა" რომ ჰქონდათ და მუქთად რომ ისხამდნენ ბენზინს, თორემ დღევანდელზე რვაჯერ იაფი ბენზინით, მე მგონი, ლენინი და კრუპსკაია კატაობდნენ თივის ზვინის გარშემო. აი, ლეიბორისტებზეა ნათქვამი, გამაოცე თუმანს მოგცემ...