კია მოტორსი ავტოინდუსტრიაში ხარისხის მაჩვენებლით რიგით პირველ ადგილზე დასახელდა (წყარო - J.D. Power)
კია არ დაკმაყოფილდა ლიდერობით დიზაინის, ხარისხისა და ტექნოლოგიის კატეგორიაში, და ის კვლავ აგრძელებს სიმაღლეების დაპყრობას ავტოინდუსტრიაში. 2016 წელს ჩატარებული კვლევის შედეგად J.D. Power-მა (კომპანია, რომელიც იკვლევს ავტომფლობელების კმაყოფილებას) დაადასტურა კიას პირველობა ხარისხის კატეგორიაში 33 კონკურენტს შორის.
უკვე 30 წელია, რაც J.D. Power’s Initial Quality Study (IQS ) ყოველწლიურად აანალიზებს ავტომობილების მომხმარებლების პასუხებს 26 სხვადასხვა სეგმენტში. IQS კვლევა ტარდება ავტომფლობელების პასუხების საფუძველზე, რომლებიც აფასებენ ავტომობილის კომფორტს მართვისას, ძრავისა და სიჩქარეთა გადაცემათა კოლოფის მუშაობას და ხარისხთან დაკავშირებულ სხვა მრავალ დეტალს მანქანის საკუთრებიდან პირველი 90დღის განმავლობაში.
ეს პირველი შემთხვევაა ბოლო 27 წლის განმავლობაში, როდესაც ავტოინდუსტრიის ტოპ რიგებში მოხვდა არაპრემიუმ კლასის ბრენდი. კიას ლიდერობა განპირობებულია თავის სეგმენტში სპორტიჯისა და სოულის საუკეთესო მაჩვენებლებით, ასევე რიოს, სერატოსა და სორენტოს თავიანთ კატეგორიაში ტოპ 3–ში დასახელებით.
„მთელ ავტოინდუსტრიაში ხარისხის მახასიათებლით პირველი ადგილის მოპოვება - ეს არის შედეგი, რომელსაც კია ათწლეულებზე მეტხანს ელოდა. ჩვენ მიზანს უწყვეტი პროგრესირებით, ოსტატობაზე აქცენტის გაკეთებითა და მომხმარებელთა მოთხოვნების გათვალისწინების შედეგად მივაღწიეთ. როგორც უმაღლესი რეიტინგის მქონე ბრენდი ინდუსტრიაში, ორი აზრიც არ არსებობს, რომ კია მსოფლიო დონის ავტომწარმოებელია.“ - განაცხადა Michael Sprague-მა, კია მოტორს ამერიკის მთავარმა ოპერაციულმა მენეჯერმა.
კია მოტორს ამერიკის გაყიდვები ბოლო 4 წლის განმავლობაში საგრძნობლად გაიზარდა (წელიწადში 600,000 ერთეულს აღემატება), ისევე როგორც ბრენდის წარმატება J.D. Power-ის ხარისხის კვლევაში, რომლის 2013 წლის შედეგების მიხედვითაც კია შევიდა ტოპ 10–ეულში, 2015 წელს კი ბრენდი გავიდა მეორე ადგილზე ავტოინდუსტრიაში და პირველი იყო არა პრემიუმ კლასის ავტომწარმოებლებს შორის.
მსგავსი სიახლეები
კომენტარი