შენს შვილებს ჩემს ცრემლებს არ ვაჩვენებ, ჩუმად ვიტირებ... – ბათუმში ტრაგიკულად დაღუპული ახალგაზრდის მეუღლე
„მე შენი გულისთვის გავუძლებ, სიმწრით, მაგრამ გავუძლებ! შენს შვილებს ჩემს ცრემლებს არ ვაჩვენებ, ჩუმად ვიტირებ, ჩუმად! მადლობა იმ ტკბილი 5 წლისთვის რაც მაჩუქე ჩემო სამუდამო სიყვარულო, შენს შვილებთან დავბერდები გ ო გ ი!“- ამის შესახებ სოციალურ ქსელში, ბათუმში ტრაგიკულად დაღუპული გოგი ტარიელიძის მეუღლე წერს.
ხატია დიასამიძე ტექსტთან ერთად მეუღლის და შვილის ფოტოს აქვეყნებს.
შეგახსენებთ, რამდენიმე დღის წინ ბათუმში, ფიროსმანის ქუჩაზე, მეხუთე სართულიდან მამაკაცი იმ დროს გადმოვარდა, როდესაც სარეკლამო ბანერს ამონტაჟებდა.
დაუდევრობა თუ შრომითი უსაფრთხოების ნორმების დარღვევა – რა გახდა ბათუმში ახალგაზრდა მამაკაცის გარდაცვალების მიზეზი, ამ შეკითხვას პასუხს გამოძიება გასცემს.
შრომის ინსპექციამ, სამშენებლო კომპანია „დარბილდინგს“ სამუშაო საქმიანობა დროებით შეუჩერა.
სამშენებლო კომპანია „დარბილდინგში“, სადაც 30 წლის აიტის სპეციალისტი მუშაობდა, შრომითი უფლებების დარღვევას კატეგორიულად გამორიცხავენ და ამბობენ, რომ გარდაცვლილს მხოლოდ საოფისე საქმიანობა ევალებოდა.
აჭარის მშენებელთა პროფკავშირების წარმომადგენელი დამსაქმებელი კომპანიის პასუხისმგებლობაზე საუბრობს და აღნიშნავს, რომ უსაფრთხოების წესების დაცვის შემთხვევაში, ტრაგედიის თავიდან არიდება შესაძლებელი იქნებოდა.
ბათუმში, ფიროსმანის 5 ნომერში მომხდარ ფაქტზე გამოძიება სისხლის სამართლის კოდექსის 240 მუხლით მიმდინარეობს, რაც შრომითი უსაფრთხოების წესების დარღვევის შედეგად, ადამიანის გარდაცვალებას გულისხმობს.
მსგავსი სიახლეები
კომენტარი