ფონდი „სიცოცხლის ხის“ დაფინანსებით საქართველოში პირველად ჟესტური ონლაინლექსიკონი შეიქმნა
თბილისი, 28 ნოემბერი, 2014 – ფონდი „სიცოცხლის ხის“ დაფინანსებით, საქართველოში პირველად, 500 სიტყვიანი ჟესტური ონლაინლექსიკონი და ვებგვერდი შეიქმნა. ამ დრომდე, საქართველოში არ მოიპოვებოდა რესურსი ყრუ და სემენადაქვეითებული ბავშვებისთვის, რომლის მეშვეობითაც ისინი შეისწავლიდნენ, როგორც ქართულ, ისე ჟესტურ ენებს. საქართველოში პირველი ჟესტური ონლაინლექსიკონი შეიქმნა „საქართველოს ყრუთა კავშირის“ მიერ, ფონდის „სიცოცხლის ხე“ პირველი საგრანტო კონკურსის ფარგლებში.
პირველი ჟესტური ონლაინლექსიკონი სკოლამდელი ბავშვებისთვისაა განკუთვნილი. ხსენებულ ონლაინლექსიკონში არსებული სიტყვებით, საქართველოში მცხოვრები სმენის პრობლემის მქონე ბავშვები, მათი მშობლები, ოჯახის წევრები და ინკლუზიური სკოლები, შეძლებენ ერთად დაეუფლონ ჟესტურ ენას, შშმ ბავშვმა კი ისწავლოს როგორც ქართული, ასევე ჟესტური ენა. ენის არცოდნის გამო ბავშვებს აღარ მოუწევთ სრულ იზოლაციაში ყოფნა.
ფონდმა „სიცოცხლის ხე“ შეზღუდული შესაძლებლობის მქონე ბავშვების მხარდასაჭერად მიმდინარე წელს ორი საგრანტო კონკურსი გამართა, რომელთა ფარგლებშიც დააფინანსა 24 პროექტი და 500,000 ლარზე მეტი მოცულობის თანხა გამოყო. ნაწილი პროექტებისა განხორციელდა, ხოლო ნაწილის განხორციელება მიმდინარეობს. საგრანტო კონკურსის ყველა გამარჯვებულ პროექტს, ზრუნვისა და კეთილი საქმის კეთების სიმბოლო – „სიცოცხლის ხის“ სტატუსი ენიჭება.
ტერმინების განმარტება:
„ყრუ" - სმენის ისეთი დაქვეითება, როდესაც მეტყველების გაგება სასმენი აპარატითაცშეუძლებელია;
„სმენადაქვეითებული" - სმენის ისეთი დაქვეითება, როდესაც მეტყველების გაგებასასმენი აპარატის დახმარებით შესაძლებელია ორი მეტრის მანძილზე.
ჟესტური ონლაინლექსიკონი შეგიძლიათ იხილოთ ვებგვერდზე: www.geodeaf.ge
„სიცოცხლის ხის“ ფონდის შესახებ
ფონდი „სიცოცხლის ხე“ საქართველოს წამყვანი ბანკის, საქართველოს ბანკის მიერ 2008 წელს დაარსებული საქველმოქმედო ფონდია. ფონდის მიზანია მხარდაჭერა გაუწიოს საქართველოს საზოგადოებისთვის აქტუალურ საკითხებს და ხელი შეუწყოს ქვეყნის უკეთესი მომავლის შექმნას. ფონდის პრიორიტეტები ყალიბდება საზოგადოებრივი საჭიროებებიდან გამომდინარე და სხვადასხვა დროს მოიცავდა ისეთ თემებს, როგორიცაა აგვისტოს ომის შედეგად დაზარალებულთა მხარდაჭერა, მზრუნველობა მოკლებული ბავშვების მხარდაჭერა, გარემოს დაცვა. ფონდს აქტიურად უჭერენ მხარსსაქართველოს ბანკის პარტნიორები და ინვესტორები. ფონდიდან თანხების მიზნობრივად ხარჯვას კი ზედამხედველობას უწევს ბანკის მიერ ჩამოყალიბებული მონიტორინგის სამსახური, რომელიც მჭიდროდ თანამშრომლობს საერთაშორისო, არასამთავრობო და სამთავრობო ორგანიზაციებთან. დამატებითი ინფორმაციისთვის ეწვიეთ: www.foundation.ge
მსგავსი სიახლეები
კომენტარი