მცირეწლოვანის დედის, მარია ლიტოვჩენკოს თქმით, ძიძა ნასვამი იყო და მშვიდად ეძინა, როდესაც თავის შვილს ტუჩებიდან სისხლი სდიოდა. უნციდენტი 4 იანვარს მოხდა - ბავშვების დედა სამსახურში წავიდა, შვილები კი ძიძასთან დატოვა. დღისით ძიძამ დაურეკეა მარიას და შეატყობინა, რომ მომდევნო დღეს სხვა ქალაქში უნდა გამგზავრებულიყო ინსულტიანი დედის სანახავად. ერთი საათის შემდეგ მარიამ თავად გადაწყვიტა ინგასთან (ძიძასთან) დაკავშირება, თუმცა ყურმილს არავინ იღებდა. ორი საათის შემდეგ უპასუხო ზარებმა ძალიან შეაშინა მარია და გადაწყვიტა სახლში წასულიყო, შინ დაბრუნებულმა კი საშინელი სურათი დაინახა - ძიძას დივანზე ეძინა, ძირს კი თავისი უმცროსი ვაჟი სისხლიანი ეგდო.

ადგილზე მისულმა მედიკოსებმა ნახეს, რომ მცირეწლოვნის სახეზე მუშტის დარტყმის შედეგად მიღებული ჰემატომები ჰქონდა. ინგა პოლიციამ განყოფილებაში გადაიყვანა, ხოლო მარიამ ბავშვი ადგილობრივ საავადმყოფოში ექიმებს გაასინჯა. ბავშვის დედის მტკიცებით, მან ასევე ნახა ინგას პირად ნივთებში ნარკოლოგის სავიზიტო ბარათი, რაც აჩენს ეჭვს, რომ ძიძა ნარკოტიკების მომხმარებელი იყო.

რაც შეეხება ძალადობაში ეჭვმიტანილ ქალს, ის ამტკიცებს, რომ იმ დღით ბავშვის სახეზე ჩალურჯებები უკვე ეტყობოდა და მას მცირეწლოვანზე არ უძალადია.