არჩილ თალაკვაძე საზოგადოებრივი საბჭოს წევრებს შეხვდა
"ქართული ოცნება-დემოკრატიული საქართველოს" ოზურგეთის მაჟორიტარი დეპუტატობის კანდიდატი, არჩილ თალაკვაძე, სამხარეო ადმინისტრაციასთან არსებული სათათბირო ორგანოს-საზოგადოებრივი საბჭოს წევრებს შეხვდა. "ქართული ოცნების" პრესსამსახურის ინფორმაციით, კანდიდატმა შეხვედრაზე საზოგადოებრივი საბჭოს როლზე, საჭიროებებსა და საკუთარ გეგმებზე ისაუბრა. "არ მოვდივართ იმისთვის, რომ ყველაფერი თავიდან დავიწყოთ, მოვდივართ იმისთვის, რომ თქვენი დაწყებული სასიკეთო საქმეები წარმატებით დავასრულოთ, რათა ოზურგეთი სწრაფად განვითარდეს. დრო, როდესაც თქვენი აზრი ხელისუფლებას არ აინტერესებდა, 2012 წელს დასრულდა. ახლა კი მოდის წლები, როდესაც ქვეყანას თქვენი მოსაზრებების გარდა, თქვენი აქტიური მონაწილეობაც სჭირდება",- ამ სიტყვებით მიმართა არჩილ თალაკვაძემ საბჭოს წევრებს. შეხვედრა ოზურგეთის დემოკრატიული ჩართულობის ცენტრში გაიმართა. (რ)
მსგავსი სიახლეები
კომენტარი