სახელმწიფო უწყებები ქართული კინოს მხარდასაჭერად გაერთიანდნენ
9 სექტემბერს, კულტურის სამინისტროში, ეროვნული კინოცენტრის ინიციატივითა და საქართველოს კულტურისა და ძეგლთა დაცვის სამინისტროს მხარდაჭერით, ხელი მოეწერა თანამშრომლობის მემორანდუმს, რომლის თანახმადაც, სახელმწიფო სტრუქტურები ქართული კინოს მხარდასაჭერად გაერთიანდნენ.
სახელმწიფო იღებს ვალდებულებას, მხარი დაუჭიროს ქართულ კინოს წარმოების პროცესში.
მემორანდუმს ხელი მოაწერეს საქართველოს კულტურისა და ძეგლთა დაცვის მინისტრმა მიხეილ გიორგაძემ, ქალაქ თბილისის მერმა დავით ნარმანიამ საქართველოს თავდაცვის მინისტრის პირველმა მოადგილემ ლელა ჩიქოვანმა და საქართველოს შინაგან საქმეთა მინისტრის მოადგილემ დავით ვარდიაშვილმა.
სახელმწიფო სტრუქტურების მხარდაჭერა კინომწარმოებლებს ბიუროკრატიული საკითხების მოგვარებისა და სახელმწიფო ორგანიზაციების მატერიალურ-ტექნიკური ბაზებით გამარტივებული წესით სარგებლობის საშუალებას მისცემს. მემორანდუმის შედეგად, მხარდაჭერით ისარგებლებენ, როგორც სახელმწიფოს მხრიდან სუბსიდირებული პროექტები, ასევე დამოუკიდებელი კინომწარმოებლები. მემორანდუმი ხელს შეუწყობს უცხოელი კინომწარმოებლებისთვის ხელსაყრელი გარემოს შექმნას.
მსგავსი სიახლეები
კომენტარი