პოლიციის ხელმძღვანელის დაკრძალვაზე მომხდარ ტერაქტს 15 ადამიანი ემსხვერპლა
აღმოსავლეთ ავღანეთში, ნანგარჰარის პროვინციაში, კუზ კუნარის დასახლებაში ტერაქტს 15 ადამიანი ემსხვერპლა. ამის შესახებ Aljazeera წერს.
აფეთქება პროვინციის ერთ-ერთი რაიონის პოლიციის განყოფილების ხელმძღვანელის დაკრძალვისას მოხდა. დაშავებულია 50-ზე მეტი ადამიანი. არაოფიციალური წყაროების ცნობით, გარდაცვლილთა და დაშავებულთა რაოდენობა იმაზე მეტია, ვიდრე ოფიციალური უწყებები ასაჯაროებენ.
თალიბანი მომხდართან კავშირს უარყოფს.
დღეს ეს არაა ავღანეთში მომხდარი პირველი ტერაქტი. ცოტა ხნის წინ ქაბულის ერთ-ერთ საავადმყოფოში ტერაქტის შედეგად სულ მცირე 13 ადამიანი, მათ შორის 2 ახალშობილი დაიღუპა.
მსგავსი სიახლეები
კომენტარი