სტამბოლში ორი სირიელი ჟურნალისტი მოკლეს - ცხედრები ცივი იარაღით მიყენებული ჭრილობებით მათ ბინაში იპოვეს
ორი სირიელი ოპოზიციონერი ჟურნალისტი ორუბა ბაკარატი და მისი ქალიშვილი ჰალა სტამბოლის ერთ-ერთ რაიონში, საკუთარ ბინაში მოკლული იპოვეს. ამის შესახებ ”რია ნოვოსტის” ქალაქის პოლიციის დეპარტამენტის წარმომადგენელმა განუცხადა.
”სირიის მოქალაქის, 60 წლის ორუბა ბაკარატის და მისი 17 წლის ქალიშვილის ჰალას ცხედრები ცივი იარაღით მიყენებული ჭრილობებით სტამბოლის რაიონ უსკუდარში, მათ ბინაში იპოვეს. მიმდინარეობს გამოძიება” ,- აღნიშნა პოლიციის დეპარტამენტის წარმომადგენელმა.
თურქული მედიის ინფორმაციით, ორუბა ბაკარატი ცნობილია სირიულ ციხეებში ოპოზიციონერების წამების შესახებ სტატიებით. ის დიდ ბრიტანეთში ცხოვრობდა, საიდანაც საცხოვრებლად ჯერ არაბთა გაერთიანებულ საემიროებში, შემდეგ კი სტამბოლში გადავიდა. მისი ქალიშვილი გაზეთ Orient News-ის ჟურნალისტი იყო.
მსგავსი სიახლეები
კომენტარი