გუკა რჩეულიშვილის პირველი პოსტი პატიმრობის შემდეგ
ცენტრ-პოინტის დირექტორი და ერთ-ერთი მფლობელი გუკა რჩეულიშვილი ციხეში გატარებული დროისა და ემოციების შესახებ სოციალურ ქსელში წერს. მის ფეისბუქ პოსტს დრონი.ჯი უცვლელად გთავაზობთ.
„თითქმის სამი თვე გავიდა რაც მე პრივილეგია მერგო სამყარო შიგნიდან დამენახა. ციხე ადგილია სადაც ადამიანს მეტი დრო აქვს დასაფიქრებლად, თავისუფლების შესაფასებლად, პრიორიტეტების განსასაზღვრად, რაც მთავარია მანამდე უმნიშვნელო დეტალებზე დასაკვირვებლად.
სამყაროში პოზიტიური და ნეგატიური ენერგია თანაბარია, დანარჩენი განწყობაზეა, თუ რომლის აღქმა უფრო სურს ადამიანს. გლდანში ბევრად მეტი დადებითი პიროვნება გავიცანი, ვიდრე უარყოფითი, რამაც ძალიან გამახარა. აქ ყურადღების ყველანაირ გამოხატვას ასმაგად აფასებ და მე ბედიერი კაცი ვარ რადგანაც აბსოლუტურმა უმრავლესობამ იმ ხალხის ვისი იმედიც მქონდა, არა მატო გაამათლა ჩემი ვარაუდი, არამედ ყველა მოლოდინს გადააჭარბა!
მე ვამაყობ ესეთი მეგობრები რომ შემხდა! მე ვამაყობ ესეთი ოჯახი რომ მყავს! მე ვამაყობ ქართველი რომ ვარ! ზუსტად ვიცი ჩვენ ქვეყანაში ყველაფერი კარგად იქნება, ჩრდილოელი Night walker-ები ვერ მოგვერევიან! ჩვენ გვიცავს კავკასიონი და შინაგანი მორალური კოდექსი, რასაც ვერავინ ვერ წაგვართმევს!
კიდევ ერთხელ დიდი მადლობა ყველას ყურადღებისთვის.
Together we are stronger! გუკა რჩეულიშილი inshaiiah!“ - წერს რჩეულიშვილი პირად ფეისბუქ გვერდზე.
მსგავსი სიახლეები
კომენტარი