რეზო ამაშუკელი: "ეს ცოლ-ქმარი როა და ვერც გაიგებ კაცი, რომელია ცოლი და რომელია ქმარი.."

"დრონი.ჯი" აგრძელებს ქართველ პოლიტიკოსთა მოსწრებული და კრიტიკული გამონათქვამების შეგროვებას ჩვენი პოლიტ-ლიდერებისა თუ პარტიების შესახებ. ამჯერად რესპუბლიკური პარტიისა და მათი თავკაცების მიმართ, მათივე ყოფილი თუ ამჟამინდელი პოლიტპარტნიორებისა და საზოგადოების ცნობილი წარმომადგენლების სხვადასხვა დროს გამოთქმულ მოსაზრებებს გთავაზობთ.

გუბაზ სანიკიძე: "ისევ "რესპუბლიკელებს" მივმართავ მეგობრული თხოვნით, მე მათ ადგილას არ გავამხელდი, რომ 30-წლიანი პარტიაა. 30 წელი პარტია რომ დამოუკიდებლად ვერ მოხვალ ხელისუფლებაში, ეს ცოტა სხვა რამეა, რა. სირცხვილია, 30-წლიანი პარტია, სულ ვიღაცის სხეულზე მიბმული პარაზიტი რომ ხარ".

ელიზბარ ჯაველიძე: "მე ვეკითხები გუბაზს: ნოღაიდელზე უკეთესები არიან ძმები ბერძენიშვილები, თინა ხიდაშელი და მისი ქმარი? ესენი ბუნებით არიან საქართველოს მტრები. თუ ესენი მოვიდნენ, საქართველოს საბოლოოდ ეტირება დედა. ყველას კარგად ახსოვს, "რესპუბლიკელებმა" გამოაცხადეს პირველად – აფხაზეთი დამოუკიდებელი უნდა იყოსო!.. ესენი იფიქრებენ საქართველოს ტერიტორიულ მთლიანობაზე?.. ამათ აინტერესებთ ერთადერთი რამ – ხელისუფლებაში მოსვლა! ამათი ცრუ ლიბერალიზმი ვიცით, რაც არის: კაცი – კაცთან, ქალი – ქალთან! აი, ამ უზნეობას ქადაგებენ ესენი ჯერჯერობით შეზღუდულად".

კახა კუკავა: "სადაც რესპუბლიკური პარტია შევა, ყველა გაერთიანება დასაშლელადაა განწირული. "რესპუბლიკელებსაც" აქვთ უზომო ამბიციები და მინიმალური პოლიტიკური საშუალებები მათ განსახორციელებლად".

ნოდარ ნათაძე: "რესპუბლიკური პარტია, პროდასავლურ საფარველქვეშ, რუსეთის დავალებებს შესანიშნავად ასრულებს საქართველოში. ეს არის ძირის გამომთხრელი საქმიანობა ქვეყნისთვის".

ზვიად ძიძიგური: "რესპუბლიკელთა" ზოგიერთმა ლიდერმა საკუთარ წარსულს გადახედოს და მერე ილაპარაკონ ჩვენზე. მაგათ ხმა საერთოდ არ ამოეღებათ".

რეზო ამაშუკელი: "ეს ცოლ-ქმარი როა და ვერც გაიგებ კაცი, რომელია ცოლი და რომელია ქმარი... დიახ, დიახ, ხიდაშელი-უსუფაშვილის წყვილზე მოგახსენებთ. ეგენი არიან ქვეყნის უბედურება და დიდი სატკივარი. ღმერთმა ნუ ქნას, მაგათ ხელისუფლება ჩაუვარდეთ ხელში და რომელიმე "რესპუბლიკელი" ლიდერი პრეზიდენტი გახდეს, თორემ პრეზიდენტის ინაუგურაციის ნაცვლად, პედერასტების აღლუმს გამართავენ, ისე იზეიმებენ გამარჯვებას".

გია თორთლაძე: "ლევან ბერძენიშვილს ცოტა გრძელი ენა აქვს და თუ დაიმოკლებს, კარგი იქნება".

რევაზ მიშველაძე: "რესპუბლიკელები" ამ ხელისუფლებას უყეფენ, მაგრამ ეგენი უარესები არიან, სოროსის ფულითა და იდეებით, პრაქტიკულად, შემოგზავნილნი არიან საკუთარი სამშობლოს დასანგრევად, ხალხის გასახრწნელად, ქართული ტრადიციების, ქართული კულტურის, მეცნიერების, განათლების სისტემის მოსასპობად. ამას, სადაც უნდათ და როცა უნდათ, მაშინ დავუმტკიცებ – მათივე პარტიის ლიდერების საგაზეთო ინტერვიუები და სატელევიზიო გამოსვლები საკმარისია ამის დასტურად".

ანზორ აბრალავა: "ძმები ბერძენიშვილები აქტიურად იბრძოდნენ ზვიად გამსახურდიას ხელისუფლების დამხობაში, მათ ბევრი გააკეთეს, რომ საქართველოს დამოუკიდებლობა, პრაქტიკულად, დაეკარგა და რუსეთზე დამოკიდებული ყოფილიყო და ახლა, რა ჭირი დაეტაკათ, ქვეყნის დამოუკიდებლობას იმ ხალხს რომ გვიქადაგებენ, ვინც ამ საქმეს ლამის შევეწირეთ? არ დაიჯეროთ!"

თამაზ ვაშაძე: "ბერძენიშვილებისა და ხიდაშელ-უსუფაშვილის კვარტეტი არის ანტიქართული ძალა, რესპუბლიკური პარტია არსებობს ქართული ცნობიერების წასაშლელად, მას ამიტომ, ამ მინზით აფინანსებს ჯორჯ სოროსი".

ნოდარ ნათაძე: "ხიდაშელ-უსუფაშვილის წყვილმა ძმები ბერძენიშვილებისგან იყიდეს რესპუბლიკური პარტია და ამაში სოლიდური ფულიც გადაუხადეს – ამაზე საკმაოდ სოლიდური ხალხის წრეში დიდი ხანია ლაპარაკობენ".

ბიძინა გუჯაბიძე: "სწორედ "რესპუბლიკელები", ლევან და დავით ბერძენიშვილები და ამ პარტიის სხვა ლიდერები იყვნენ გამსახურდიას ხელისუფლებას შევარდნაძის დაკვეთით რომ ებრძოდნენ და საფასურად, შევარდნაძის პარლამენტში მოხვდნენ. ესენი არიან ქვეყნის მოღალატეები".

ნიკო ორველაშვილი: "რესპუბლიკელთა" ვითომ ლიბერალური იდეები ჩვენი ეროვნული ღირებულებების მოსასპობად არის მიმართული... ეგენი დემოკრატიაზე რომ ლაპარაკობენ, ის დემოკრატია ქართულ ტრადიციებსა და ქართულ მართლმადიდებლურ ეკლესიას განადგურებით ემუქრება... გსმენიათ ვინმეს, რომ "რესპუბლიკელებს" ერთი სიტყვა მაინც ეთქვათ სადმე საქართველოს ეკონომიკური განვითარების შესახებ, რა სახის ეკონომიკურ მოდელს უჭერენ მხარს? ვერც მოისმენდით, რადგან არათუ ქვეყნის განვითარების ეკონომიკური კონცეფცია არა აქვთ, საერთოდ, აზრზე არ არიან, რა არის ეკონომიკა. არადა, დემოკრატია მძლავრი ეკონომიკური ბაზის გარეშე, ჯერ არცერთ ქვეყანაში არ განვითარებულა. ერთი რომან გოცირიძე ჰყავდათ და ისიც ხელიდან გაუშვეს. მაგათ მარტო ქვეყნის მართვა უნდათ, მაგრამ რა და როგორ უნდა მართონ, აზრზე არ არიან".

მანანა არჩვაძე: "ძმები ბერძენიშვილები სუკ-ის აგენტები არიან, ეს ზვიადმა იცოდა და ამიტომაც განერიდა მათ და მათნაირებს. ოპოზიციაშიც სუკ-ის დავალებით გადავიდნენ და ვერ ვიტყვი, ცუდად შეასრულეს ეს დავალება – დიდი როლი ითამაშეს კანონიერი ხელისუფლების დამხობა-განდევნის საქმეში".

ზვიად ძიძიგური: "ლევან და დათო ბერძენიშვილებს საზოგადოება გამოუტანს განაჩენს. ისინი აქტიურად ებრძოდნენ გამსახურდიას, როცა ზვიადი დაამხეს, შევარდნაძემ მათ დეპუტატის მანდატები "გამოუწერა". ესენიც და სხვებიც, რომლებიც ზვიადის დამხობაში მონაწილეობდნენ, ხალხი განდევნის პოლიტიკიდან.