შემწვარი კალმახი ბროწეულის წვენით
მასალა:
კალმახი - 1 კილოგრამი
კარაქი - 100 გრამი
კვერცხი - 2 ცალი
ლიმონი - 1 ცალი
ბროწეულის წვენი - 1 ჩაის ჭიქა
ქინძი, მარილი - გემოვნებით
ახალი, წითელწინწკლებიანი კალმახი გავასუფთავოთ, მოვაშოროთ ლაყუჩები, გავრეცხოთ ცივ წყალში, გავჭრათ სიგრძეზე, მოვაყაროთ მარილი. მუცელი ამოვუვსოთ უმი კვერცხით, კარაქით, კანგაცლილი, თხლად დაჭრილი ლიმონით და ახალი ტარხუნის ნაზავით. მუცელი დავუხუროთ, ზევიდან წავუსვათ არაჟანი და დავდოთ გაცხელებულ ცხიმიან ტაფაზე. როდესაც ორივე მხრიდან შეიწვება, მოვათავსოთ ლანგარზე და დავამშვენოთ ოხრახუშის ფოთლებით. სუფრაზე ცალკე მივიტანოთ ბროწეულის წვენი - შეზავებული ახალი ქინძითა და მარილით.
მსგავსი სიახლეები
კომენტარი