„სამოქალაქო პლატფორმა 20/20“ ზუგდიდში საუბნო კომისიების 94 წევრის უფლებამოსილების შეწყვეტას მოითხოვს
„სამოქალაქო პლატფორმა 20/20“ ზუგდიდის ოლქში საუბნო საარჩევნო კომისიების 94 წევრის უფლებამოსილების შეწყვეტას მოითხოვს.
როგორც დღეს ზუგდიდში გამართულ ბრიფინგზე სადამკვირვებლო
ორგანიზაცია „სამოქალაქო პლატფორმა 20/20“-ის წარმომადგენელმა ალიკა კუპრავამ განაცხადა,
კვლევის შედეგად დადგინდა, რომ ეს 94 ადამიანი წინა საერთო არჩევნებში საარჩევნო სუბიექტს
წარმოადგენდა, რაც საარჩევნო კოდექსის დარღვევაა.
„ჩვენ 94 საჩივრით მივმართეთ ზუგდიდის საოლქო საარჩევნო
კომისიას და მოვითხოვეთ საუბნო საარჩევნო კომისიის წევრების უფლებამოსილების შეწყვეტა“-
განაცხადა კუპრავამ.
“სამოქალაქო პლატფორმა 20/20” ცესკოს მიერ რეგისტრირებულია
როგორც ადგილობრივი სადამკვირვებლო ორგანიზაცია, რომელიც 2020 წლის 31 ოქტომბრის საპარლამენტო
არჩევნებს და მიმდინარე საარჩევნო პროცესს აკვირდება.
მსგავსი სიახლეები
კომენტარი