ოპოზიცია, განსაკუთრებით საპარლამენტო ოპოზიცია, ბოლო პერიოდია თრუსოს ხეობის მცოცავ ანექსიაზე საუბრობს. ყველაზე აქტიურად ამ თემაზე ქრისტიან-დემოკრატიული პარტიის ერთ-ერთი ლიდერი ლევან ვეფხვაძე ალაპარაკდა. ვეფხვაძე მიიჩნევს, რომ თუ ჩრდილოკავკასიელებს ლარსის გამშვები პუნქტიდან ყაზბეგში უვიზოდ შემოსვლის საშუალება მიეცემათ, ისინი თრუსოს ხეობაში უკონტროლოდ შემოვლენ და ყაზბეგის მცოცავ ანექსიას მოახდენენ. ვეფხვაძემ ასევე ისაუბრა ორგანიზაციაზე, რომლის სახელწოდებაც "დარიალია". მისივე თქმით, აღნიშნული ორგანიზაცია ვლადიკავკაზშია და მათი მიზანი ყაზბეგის დაკავებაა.