ეს უკვე "ქურდული" აღარ არის, როგორც თავად უყვართ თქმა, ეს, უბრალოდ, კლასიკური მაფიოზური შურისძიებაა, ოღონდ, როგორც ჩანს, ის ხალხი, ვინც გიორგაძესთან კავშირზე იყო და ვინც ამ კავშირის შესახებ იცოდა – ღირსებით "კოზა ნოსტრას" წევრებზე დაბლა დგას, ისინი არიან ჩვეულებრივი კრიმინალები, მათმა დიდმა ნაწილმა ფულით იყიდა "კანონიერი ქურდის" სტატუსი. დასამალი არავისთვისაა, რომ ამ რამდენიმე წლის წინ, 50-100 ათასი დოლარი საკმარისი იყო ამ "ტიტულის" შესაძენად. "ტიტულს" ძველი "კანონიერი ქურდები" იძლეოდნენ, "სტავკაც" მათი დაწესებული იყო. ცხადია, ეს ფულიც ან ერთი ქურდის, ან რამდენიმეს ჯიბეში მიდიოდა. ამიტომაც იყო, შევარდნაძის ეპოქაში, როგორც სოკო ნაწვიმარზე, ისე იმრავლა 20-21 წლის "კანონიერმა ქურდებმა". პირადად მე, ამ 7-8 წლის წინ, ერთ 30 კაციან წვეულებაზე 7 "კანონიერი ქურდი" გამაცნეს, აქედან 6 – ქუთაისელი იყო.
ფსდფს