ღარიბაშვილი რასმუსენს შეხვდა (ვიდეო)
ბრიუსელში სამუშაო ვიზიტის ფარგლებში, საქართველოს პრემიერ-მინისტრი ნატოს შტაბ-ბინას ეწვია და შეხვედრა გამართა ნატოს გენერალურ მდივანთან ანდერს ფოგ რასმუსენთან.
შეხვედრაზე ხაზი გაესვა საქართველო-ნატოს თანამშრომლობის მნიშვნელობას და საქართველოსთან არსებულ მყარ პარტნიორულ ურთიერთობას. აღინიშნა ნატო-ში ინტეგრაციის გზაზე საქართველოს მიერ მიღწეული პროგრესი, ის დემოკრატიული პროცესები და რეფორმები, რასაც ადგილი ჰქონდა საქართველოში ბოლო პერიოდის განმალობაში. ასევე ხაზი გაესვა საქართველოს წვლილს საერთო ევროატლანტიკური უსაფრთხოების პროცესში, კერძოდ საქართველოს მნიშვნელოვან წვლილს ავღანეთის ISAF-ის მისიაში. ქართულმა მხარემ კიდევ ერთხელ დაადასტურა მზაობა მონაწილეობა მიიღოს 2014 წლის შემდგომ ნატოს საწვრთნელ მისიაში ავღანეთში.
შეხვედრას საქართველოს საგარეო საქმეთა მინისტრი მაია ფანჯიკიძე და სახელმწიფო მინისტრი ევროპულ და ევროატლანტიკურ სტრუქტურებში ინტეგრაციის საკითხებში ალექსი პეტრიაშვილი დაესწრნენ.
მსგავსი სიახლეები
კომენტარი