პირველი, გარედან ინიცირებული ომი ირანსა და ერაყს შორის 1980 წელს დაიწყო და 1988 წლამდე გრძელდებოდა. იმ დროისთვის დიდ გულზე მყოფი სადამი თანადგომას სხვადასხვა სახელმწიფოებისგან ელოდა. მართლაც, ერაყს უდიდესი ფინანსური მხარდაჭერა გაუწიეს ევროპამ, სსრკ-მა, თავად აშშ-მა და რამდენიმე არაბულმა ქვეყანამ. 1984 წელს სადამმა ქიმიური იარაღიც კი გამოიყენა როგორც მოწინააღმდეგეების, ისე საკუთარი, ამბოხებული მოსახლეობის დასასჯელად. ირანის საერთაშორისო იმიჯის წყალობით, ამ ქმედებისთვის სადამი მაშინ მსოფლიოს პროტესტს გადაურჩა. მას შემდეგ ბევრმა წყალმა ჩაიარა და დღეს ამ ქვეყანასთან მიმართებაში სულ სხვა სურათი გვაქვს. აშშ კი ამ ნაბიჯით გარდამტეხ ეტაპზე გადავიდა და საკუთარი პარტნიორებიც, მათ შორის, საქართველოც წაიყოლა. ერაყის მისიის დასრულება და შემდგომ განვითარებული მოვლენები პირდაპირ აისახება სწორედ ჩვენი ქვეყნის მდგომარეობაზეც, რომლის კონტურებიც ამ შემოდგომაზევე გამოიკვეთება.