შსს-ს განცხადება სოფელ კოლაგში მომხდარ უბედურ შემთხვევასთან დაკავშირებით
„პოლიციაში შემოვიდა განცხადება კახეთში, გურჯაანის რაიონის სოფელ კოლაგაში რაფალიანი ბარბარეს, 10 თვის ბავშვის სახლიდან დაკარგვის შესახებ. სახლში ამ დროს იმყოფებოდა დედა, მამა და ბებია. პირველადი გამოკითხვისას ოჯახის წევრებმა აღნიშნეს, რომ უცხო პირი არ შეუნუშნავთ. პოლიცია მყისიერად შეუდგა ოჯახთან ერთად ბავშვის ძებნას. ჩვილი მალევე იქნა ნაპოვნი სახლის ეზოში წყლით ნაწილობრივ სავსე ქვევრში. ბავშვი გადაყვანილი იქნა საავადმყოფოში. სამწუხაროდ ბავში გარდაიცვალა. შინაგან საქმეთა სამინისტრო სამძიმარს უცხადებს ოჯახს და გააკეთებს მაქსიმუმს, რომ რაც შეიძლება სწრაფად დადგინდეს ამ ტრაგიკულ ფაქტთან დაკავშირებული მოვლენები!
კოალიცია "ქართული ოცნების" მაჟორიტარი მანანა ბერიკაშვილი ამ ფაქტთან დაკავშირებით აკეთებს პოლიტიკურ განცხადებას. სამწუხაროა, რომ კოალიცია „ქართული ოცნების“ მიერ ასეთი სენსიტიური, ტრაგიკული შემთხვევა გახდა პოლიტიკური სპეკულაციების თემა.
ადგილზე უკვე გასულია შსს-ს კრიმინალისტების ჯგუფი.“
შეგახსენებთ, გურჯაანის სოფელ კოლაგში შემზარავი შემთხვევა მოხდა: 10 თვის ბარბარე რაფაიანცი, რომელიც მშობლებს სტუმრად დეიდასთან ჰყავდათ, თავდახურულ ქვევრში იპოვეს.
ჩვილს საათნახევრიანი ძებნის შემდეგ იპოვეს. ბავშვი სასწრაფო დახმარების ბრიგადამ საავადმყოფოში გადაიყვანა, სამწუხაროდ მისი გადარჩენა ვერ მოხერხდა.
ადგილობრივი მოსახლეობა დამნაშავის ლინჩის წესით გასამართლებას ითხოვენ.
მსგავსი სიახლეები
კომენტარი