"ჩემი შვილი მაქნასთან არ მისულა, არც გვამი უნახავს" - 16 წლის მწყემსის დედის პირველი კომენტარი

თეთრიწყაროს ტყეში, სადაც 23 წლის თამარ ბაჩალიაშვილის ავტომობილი იპოვეს საგამოძიებო მოქმედებები ამ წუთებშიც მიმდინარეობს.

ცნობილია, რომ ახალგაზრდა ქალი მისივე მანქანაში, უკანა სავარძელში, ჰორიზონტალურ მდგომარეობაში, გარდაცვლილი გუშინ იპოვეს.

გუშინვე გავრცელდა ცნობა, რომ ბაჩალიაშვილის ავტომობილს მწყემსმა მიაგნო და პოლიციას დაუკავშირდა.

ცნობილია მწყემსის ვინაობაც - ის 16 წლის ორუჯ მუსაევია.

არასრულწლოვანის დედა ამბობს, რომ მისმა შვილმა ავტომობილი იცნო, თუმცა მანქანასთან ახლოს არ მისულა.

"მამამისი თერთრიწყაროში მიდიოდა, როცა დაურეკა ორუჯმა და უთხრა, მანქანა ვნახე ტყეშიო. მერე პოლიციის თანამშრომლებს დაურეკა. იმათმა ნომერი უთხრეს, ჩემმა შვილმა დაუდასტურა, რის შემდეგაც უთხრეს, რომ ავტომობილთან ახლოს არ მისულიყვნენ. ჩემი შვილი მაქნასთან არ მისულა, არც გვამი უნახავს.
პოლიციამ უკვე დაკითხა. მათაც უთხრა, რომ ტელევიზით მოისმინა ავტომობილის აღწერილობა და იცნო"- ამბობს მწყემსის დედა.