ივანიშვილის აქტივისტები ჟურნალისტებს მუშაობის საშუალებას არ აძლევენ
ამ წუთებში ვრცელდება ინფორმაცია იმასთან დაკავშირებით, რომ „ქართული ოცნების“ მხარდამჭერები ჟურნალისტებს მუშაობის საშუალებას არ აძლევენ.
აქტივისტები მედიასაშუალებების წარმომადგენლებს წინასწარ მომზადებულ ადგილ უთითებენ (სადაც უნდა დადგეს), ხოლო აღნიშნული ადგილის დატოვების შემთხვევაში, ისინი აგრესიას გამოხატავენ ჟურნალისტების მიმართ და მათ სიტყვიერ შეურაცხყოფასაც კი აყენებენ.
რამდენიმე წუთის წინ, „ქართული ოცნების“ წევრებმა აგრესია „itv“-ის ჟურნალისტის მიმართაც გამოხატეს. მას, ერთ-ერთმა აქტივისტმა ხელი ჰკრა. მსგავსი ვითარება არ ვრცელდება მაესტროსა და მეცხრე არხის ჟურნალისტებზე.
p.s: საინტერესო დეტალი: ბიძინისტებმა ტელე-ოპერატორებს ორი ადგილი შეურჩიეს. პირველი, საკმაოდ კონფორტული, გადახურული და მოწესრიგებულია, სადაც მხოლოდ მე-9 არხისა და ბიძინას პირადი ოპერატორები მუშაობენ. მათ იცავს დაცვა. ამ ადგილიდან მოშორებით კი, სხვა ტელევიზიებისთვისაა სპეც-ადგილი გამოყოფილი.
მსგავსი სიახლეები
კომენტარი