შსს: საფრანგეთში დაკავებული კახა აბუაშვილი გაათავისუფლეს, თუმცა მის მიმართ სისხლის სამართლებრივი დევნა არ შეწყვეტილა

ქართველი მსახიობი კახა აბუაშვილი, იგივე „კაბუ“, რომელიც ქურდობის ბრალდებით იყო დაკავებული, სისხლისსამართლებრივი პასუხისმგებლობისგან არ გათავისუფლებულა.

შსს-ში ადასტურებენ, რომ მსახიობი პატიმრობიდან გათავისუფლდა, თუმცა მის მიმართ სისხლისამართლებრივი დევნა ჯერ შეწყვეტილი არ არის.

შეგახსენებთ, "კაბუ" ქურდობის ბრალდებით საფრანგეთში 2018 წლის 18 აპრილს დააკავეს.

მაშინ სპეცოპერაცია ევროპის ორ ქვეყანაში ჩატარდა. საქართველოს შინაგან საქმეთა სამინისტროს ინფორმაციით, დაკავებულებს შორის იყვნენ 4 ქართველი ე.წ. "კანონიერი ქურდი", მათ შორის ლაშა შუშანაშვილი. ამასთან, დაკავებულები იყვნენ სხვადასხვა სიმძიმის დანაშაულში ბრალდებული საქართველოს მოქალაქეები, მათ შორის - კახა აბუაშვილი. იგი სასჯელს საფრანგეთის ციხეში იხდიდა.