უმძიმეს ავარიას 5 ზესტაფონელი ახალგაზრდა ემსხვერპლა
ზესტაფონი-ქუთაისის გზაზე ავტოსაგზაო შემთხვევას ხუთი ადამიანი ემსხვერპლა. შემთხვევა სოფელ სვირთან, დილით მოხდა. არსებული ინფორმაციით, მსუბუქი ავტომობილი ტრაილერს შეეჯახა. ხუთივე მგზავრი ადგილზე გარდაიცვალა.
როგორც ირკვევა, გარდაცვლილთა შორის ზესტაფონის მკვიდრი ორი ახალგაზრდა მამაკაცია: გიორგი აბაშიძე და შმაგი გვალია.
როგორც სოციალურ ქსელში გარდაცვლილთა ახლობლები წერენ, ადგილი, სადაც ავტოსაგზაო შემთხვევა მომხდა, არაერთხელ გამხდარა მსგავსი ტრაგედიის ადგილი.
გავრცელებული, დაუდასტურებელი ინფორმაციით, გარდაცვლილთა შორის თურქეთის მოქალაქეებიც არიან.
მომხდარზე გამოძიება 276-ე მუხლის მერვე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ორი ან მეტი ადამიანის სიცოცხლის მოსპობა გამოიწვია.
მსგავსი სიახლეები
კომენტარი