დეპუტატზე თავდასხმას მისი 3 წლის შვილის სიცოცხლე ემსხვერპლა
კიევში უკრაინელ დეპუტატზე თავდასხმას მისი სამი წლის შვილი ემსხვერპლა.
ადგილობრივი მედიის ინფორმაციით, ვიაჩესლავ სობოლევი რენჯ როვერის მარკის ავტომობილით შვილთან ერთად გადაადგილდებოდა, რა დროსაც მანქანას შეიარაღებულმა უცნობმა პირებმა ცეცხლი გაუხსნეს. შემთხვევის შედეგად ბავშვი სასიკვდილოდ დაიჭრა. ის სასწრაფო სამედიცინო დახმარების მანქანაში გარდაიცვალა.
უკრაინის საგარეო საქმეთა სამინისტრო ამ დრომდე მსხვერპლისა და ავტომობილის მფლობელის ვინაობას არ ასახელებს. სობოლევი კიევის საოლქო საბჭოს წევრი და ბიზნესმენია.
მსგავსი სიახლეები
კომენტარი