პუტინსა და შოიგუს შორის დაძაბულობა იზრდება - New York Times
რუსეთის პრეზიდენტ ვლადიმერ პუტინსა და რუსეთის თავდაცვის მინისტრს სერგეი შოიგუს შორის დაძაბულობა იზრდება იმის გამო, რომ კრემლის ხელმძღვანელს უკრაინაში რუსეთის შეიარაღებული ძალების რეალური დანაკარგების შესახებ არ უთხრეს, - ამის შესახებ ინფორმაციას უკრაინული მედია New York Times-ზე დაყრდნობით წერს. თეთრ სახლში განაცხადეს, რომ პუტინის მრჩევლები მას დეზინფორმაციას აწვდიან, უკრაინაზე განხორციელებული შეტევის წარუმატებლობისა და დასავლეთის სანქციების რეალური შედეგების შესახებ. ჟურნალისტები ვარაუდობენ, რომ ჩერნიგოვოდან რუსეთის მიერ ჯარების სავარაუდო გაყვანის შესახებ განცხადებები, ასევე, მოწმობს კრემლში არსებულ არეულობას. თუმცა, გამოცემა აღნიშნავს, რომ პუტინის საბოლოო მიზანი ბუნდოვანი რჩება. ამასთან, ჯონ კირბის განცხადებით, ვლადიმერ პუტინი უკრაინაში შეჭრის შესახებ თავდაცვის სამინისტროსგან ყოველ ნაბიჯზე სრულად ინფორმირებული არ იყო. მანამდე პენტაგონს ეჭვი ეპარებოდა, დანიშნა თუ არა პუტინმა უკრაინაში „სპეციალურ ოპერაციაზე“ პასუხისმგებელი პირი, რადგან რუსული ჯარები ბევრ სფეროში ძალიან ქაოსურად იქცევიან.
მსგავსი სიახლეები
კომენტარი